ரூ.50,000 கொடுத்தா `தீரன் அதிகாரம் ஒன்று' படத்தைப் பார்க்குறோம் - நீதிபதி அதிரடி

மதுரை : `தீரன் அதிகாரம் ஒன்று' திரைப்படத்தைப் பார்க்க நியமிக்கப்படும் வழக்கறிஞர்களுக்கு தலா ரூ. 25 ஆயிரம் கட்டணம் செலுத்த வேண்டும் என உயர் நீதிமன்ற நீதிபதி உத்தரவிட்டுள்ளார்.

மதுரையை சேர்ந்த பசும்பொன் என்பவர் தாக்கல் செய்த மனுவில், “தமிழக சீர்மரபினர் பட்டியலில் உள்ள 235 பிரிவு சமூகத்தினரை தவறாக சித்தரித்தும், தரக்குறைவான வார்த்தைகளால் பேசிய காட்சிகள் இடம்பெற்றுள்ளன.

மேலும் படிக்க : குறிப்பிட்ட இனத்தை புண்படுத்தியதற்காக மன்னிப்பு கேட்ட ‘தீரன் அதிகாரம் ஒன்று ’ படக்குழு!

இதனால் இப்படத்திற்கு இடைக்கால தடை வித்தும், படத்தின் கிடைக்கும் 50 சதவீதம் பணத்தை சீர் மரபினர் சமூகத்தின் மேம்பாட்டு செலவிட வேண்டும் என உத்தரவிட வேண்டும்.” என தெரிவித்திருந்தார்.

இதை விசாரித்த நீதிபதி, நான் இந்த படத்தை பார்க்கவில்லை, அதனால் என்னால் எந்த கருத்தும் கூறமுடியாது. அதனால் அந்த படத்தை பார்த்து அதில் உள்ள சர்ச்சைக்குரிய காட்சிகள் குறித்து அறிக்கை அளிக்க, இரண்டு வழக்கறிஞர்களுக்கு தலா ரூ. 25 ஆயிரம் கட்டணம் செலுத்த வேண்டும். இதை ஏற்றுக்கொள்வாரா என மனுதாரர் கேட்டுத் தெரிவிக்க நீதிபதி உத்தரவிட்டுள்ளார்.