சிம்பு, விஜய் சேதுபதி இணைந்து நடிக்கும் மணிரத்னம் படம் தொடக்கம்!

இயக்குனர் மணிரத்னம், இன்று முதல் ‘செக்க சிவந்த வானம்’ படத்தின் படப்பிடிப்பை துவக்கியுள்ளார்.
இயக்குனர் மணிரத்னம் ‘காற்று வெளியிடை’ படத்திற்கு பிறகு தற்போது ‘செக்க சிவந்த வானம்’ என்ற படத்தை இயக்கி வருகிறார். இந்தப் படத்தின் பர்ஸ்ட் லுக் போஸ்டர் மற்றும் படக்குழுவினர் குறித்த விவரம் சமீபத்தில் வெளியானது.

இந்த படத்தின் படப்பிடிப்பு இன்று துவங்கியுள்ளது. இரண்டு மாதங்கள் தொடர்ந்து படப்பிடிப்பை நடத்த படக்குழு திட்டமிட்டுள்ளது. பின்னர் போஸ்ட் புரொடக்‌ஷன்ஸ் பணிகள் முடிந்து வருகிற ஜூலை மாதம் படத்தை வெளியிட படக்குழு முடிவு செய்துள்ளது.

இந்த படத்தில் நடிகர்கள் அரவிந்த்சாமி, சிம்பு, விஜய் சேதுபதி, அருண் விஜய் என இந்த நான்கு சகோதரர்களுக்கு இடையே நடக்கும் கதையை மையப்படுத்தி உருவாக இருப்பதாக கூறப்படுகிறது. முன்னதாக அருண் விஜய் நடிக்க இருந்த கேரக்டரில் பகத் பாசில் ஒப்பந்தமாகி இருந்தார். கால்ஷீட் பிரச்னையால் விலகிவிட்டதாக கூறப்படுகிறது.

மேலும் இந்த படத்தில் ஜோதிகா, ஐஸ்வர்யா ராஜேஷ், அதிதி ராவ் ஹிடாரி, பிரகாஷ்ராஜ், தியாகராஜன், மன்சூர் அலிகான், ஜெயசுதா, ஜோதிகா, அதிதி ராவ், ஐஸ்வர்யா ராஜேஷ், டயானா என ஒரு நட்சத்திரப் பட்டாளமே நடிக்கிறது. இந்த படத்திற்கு ஏ.ஆர்.ரஹ்மான் இசையமைக்கிறார். இந்த படத்தை மணிரத்னத்தின் மெட்ராஸ் டாக்கீஸ் மற்றும் லைகா புரொடக்‌ஷன்ஸ் இணைந்து தயாரிக்கிறது. இந்தப் படம் தெலுங்கில் ‘நவாப்’ என்ற பெயரில் ரிலீஸாகவுள்ளது.