தமிழில் ‘டூயட்’ தலைப்பு மறுக்கப்பட்டது ஏன்?

தனது படத்திற்கு ‘’டூயட்’’ என்று பெயர் வைக்க கே.பாலசந்தர் வாரிசுகளிடம் அனுமதி கேட்டு அவர்கள் இதுவரை இயக்குநர் மணிரத்தினத்திற்கு அனுமதி கொடுக்கவில்லை என்று கூறப்படுகிறது.

மணிரத்னம் இயக்கத்தில் கார்த்தி நடிக்கும் படம் ‘காற்று வெளியிடை’. இதில் கார்த்தி பைலட்டாக நடிக்கிறார். அதிதி ராவ் கதாநாயகியாக நடிக்கிறார். படத்திற்கு ஏ.ஆர்.ரஹ்மான் இசை அமைக்கிறார். இந்தப் படத்தை தமிழ், தெலுங்கு என இரண்டு மொழிகளில் இயக்கி வருகிறார் மணிரத்னம். இந்தப்படத்துக்கு தெலுங்கில் ‘டூயட்’ என்ற பெயர் சூட்டியுள்ளார். அதுபோல் மணிரத்னம் தமிழிலும் ‘டூயட்’ என்ற தலைப்பை வைக்க எண்ணியிருந்தார்.

கே.பாலச்சந்தர் இயக்கத்தில் பிரபு, மீனாட்சி சேஷாத்ரி நடிப்பில் வெளியான படம் ‘டூயட்’. இந்தப் படம் 1994-ல் வெளியானது. இந்தப் படத்திற்கு, பாலச்சந்தரின் படத்தின் பெயரை தலைப்பாக வைப்பதற்கு கே.பியின் வாரிசுகளிடம் அனுமதி கேட்டிருக்கிறார் மணிரத்னம். ஆனால், வாரிசுகள் தரப்பிலிருந்து எந்தப் பதிலும் இவருக்கு கிடைக்கவில்லை. ஆகையால் தெலுங்கில் மட்டும் ‘டூயட்’ என்ற பெயரை வைத்து விட்டு தமிழில் ‘காற்று வெளியிடை’ என்ற தலைப்பை வைத்தார் மணிரத்னம்.