Ponniyin Selvan: ‘பொன்னியின் செல்வன்’ பட ரிலீஸ்: அதிரடி உத்தரவு போட்ட மணிரத்னம்.!

மணிரத்னம் இயக்கத்தில் பிரம்மாண்டமாக உருவாகியுள்ள 'பொன்னியின் செல்வன்' படத்தை இந்திய சினிமாவே எதிர்பார்த்து காத்து கொண்டிருக்கிறது. எழுத்தாளர் கல்கி கிருஷ்ணமூர்த்தி எழுதிய புகழ்பெற்ற நாவலான 'பொன்னியின் செல்வன்' கதை அதே பெயரில் படமாக உருவாகி வெளியீட்டிற்கு தயாராக உள்ளது.

விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்ய லட்சுமி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரகுமான் உள்ளிட்ட பல மொழிகளை சேர்ந்த பிரபல நட்சத்திரங்கள் நடித்துள்ள 'பொன்னியன் செல்வன்' படம் தமிழ், தெலுங்கு, மலையாளம், இந்தி உள்ளிட்ட மொழிகளில் உருவாக்கப்பட்டுள்ளது. இந்தப்படத்தை பிரம்மாண்டமாக இரண்டு பாகங்களாக உருவாக்கியுள்ளார் மணிரத்னம்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

மெட்ராஸ் டாக்கிஸ் நிறுவனமும், லைக்கா நிறுவனமும் இணைந்து தயாரித்துள்ள இந்த படத்திற்கு இசைப்புயல் ஏ.ஆர்.ரஹ்மான் இசையமைத்துள்ளார். அண்மையில் இந்தப்படத்தின் படத்தின் பாடல் மற்றும் ட்ரைலர் வெளியீட்டு விழா சென்னை நேரு ஸ்டேடியத்தில் மிக பிரம்மாண்டமாக நடைபெற்றது. தற்போது படத்தின் புரோமோஷன் பணிகள் படுஜோராக நடைபெற்று வருகிறது.

இந்தப்படத்தை லைகா நிறுவனமே நேரடியாக திரையரங்குகளில் வெளியிடவுள்ளது. வழக்கமாக பெரிய நடிகர்களின் படங்கள் வெளியாகும் நான்கு மணி காட்சிகளுக்கு டிக்கெட் விலை பல மடங்கு இருக்கும். இந்நிலையில் இந்த வாரம் வெளியாகவுள்ள ‘பொன்னியின் செல்வன்’ படத்திற்கு அரசாங்கம் நிர்ணயித்துள்ள டிக்கெட் விலையை விட கூடுதலாக வசூலிக்க கூடாது என லைகா நிறுவனத்திடம் தெரிவித்துள்ளாராம் மணிரத்னம்.

Chandramukhi 2: படப்பிடிப்பு துவங்கிய வேகத்தில் கல்லா கட்டும் ‘சந்திரமுகி 2’: மரண மாஸ் தகவல்.!

டிக்கெட் விலை அதிகமிருந்தால் பேமிலி ஆடியன்ஸ் திரையரங்கிற்கு வர மாட்டர்கள் என்பதால் மணிரத்னம் இந்த அதிரடி உத்தரவை போட்டுள்ளதாக கூறப்படுகிறது. ’யுஏ’ சான்றிதழ் பெற்றுள்ள இந்தப்படத்தின் நீளம் 2 மணி நேரம் 47 நிமிடங்கள் என்றும் தகவல்கள் வெளியாகியுள்ளன. ‘பொன்னியின் செல்வன்’ படம் வரும் 30 ஆம் தேதி திரையரங்குகளில் வெளியாகவுள்ளது குறிப்பிடத்தக்கது.