மணிரத்னமின் பலே திட்டம்: 'பொன்னியின் செல்வன் 2' படத்தின் வேறலெவல் அப்டேட்.!

கடந்தாண்டு வெளியான படங்களில் பாக்ஸ் ஆபிஸில் மிகபெரிய சாதனை படைத்த படம் 'பொன்னியின் செல்வன்'. இரண்டு பாகங்களாக உருவான இந்தப்படத்தை மணிரத்னம் இயக்கியிருந்தார். முதல் பாகம் கடந்தாண்டு வெளியானதை தொடர்ந்து இந்தாண்டு இரண்டாம் பாகம் ரிலீசாகவுள்ளது. இந்நிலையில் இந்தப்படத்தின் புரோமோஷன் குறித்த தகவல்கள் வெளியாகியுள்ளது.

கல்கியின் 'பொன்னியின் செல்வன்' நாவல் அதே பெயரில் படமானது. மணிரத்னம் இயக்கத்தில் வெளியாகி ரசிகர்கள் மத்தியில் அமோக வரவேற்பை பெற்றது. கடந்த வருடம் செப்டம்பர் மாதம் 30 ஆம் தேதி தமிழ், தெலுங்கு, இந்தி, கன்னடம், மலையாளம் ஆகிய 5 மொழிகளில் பிரம்மாண்டமாக ரிலீசானது. மல்டி ஸ்டார் படமாக 'பொன்னியின் செல்வன்' ரிலீசானது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்ய லட்சுமி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரகுமான் உள்ளிட்ட பல மொழிகளை சார்ந்த நட்சத்திர பட்டாளங்கள் நடிப்பில் 'பொன்னியன் செல்வன்' படம் தமிழ், தெலுங்கு, மலையாளம், இந்தி உள்ளிட்ட மொழிகளில் வெளியானது.

பிரம்மாண்டமாக இரண்டு பாகங்களாக உருவான 'பொன்னியின் செல்வன்' படத்தை மணிரத்னமின் மெட்ராஸ் டாக்கிஸ் நிறுவனமும், லைகா நிறுவனமும் இணைந்து தயாரித்தது. இசைப்புயல் ஏ.ஆர்.ரஹ்மான் இந்தப்படத்திற்கு இசையமைத்தார். உலகம் முழுவதும் 'பொன்னியின் செல்வன்' படத்திற்கு ரசிகர்கள் மத்தியில் மிகப்பெரிய ஓபனிங் கிடைத்தது.

LEO: விஜய்யின் 'லியோ' படத்தில் இந்த பிக்பாஸ் பிரபலமா.?: லோகேஷின் அடுத்த ட்விஸ்ட்.!

முதல் பாகத்தின் படப்பிடிப்பு நடந்த சமயத்திலே இரண்டாம் பாகத்திற்கான பெரும்பாலான காட்சிகளை படமாக்கினர் படக்குழுவினர். இந்நிலையில் 'பொன்னியின் செல்வன் 2' விற்கான சிஜி வேலைகள் தாமதம் ஆவதால் படத்தின் ரிலீஸ் திட்டமிட்டதில் இருந்து தாமதமாக வாய்ப்புள்ளதாக தகவல்கள் வெளியானது. ஆனால் தற்போது வெளியாகியுள்ள தகவலின்படி 'பொன்னியின் செல்வன் 2' திட்டமிட்டதை போல் ஏப்ரல் 28 ஆம் தேதி ரிலீசாகும் என கூறப்படுகிறது.

Kavin: பீஸ்ட்க்கு குவிந்த நெகட்டிவ் விமர்சனம்: நெல்சன் அண்ணாக்கிட்ட கத்துக்கிட்டது இதுதான்.!

மேலும் லேட்டஸ்ட் தகவலாக இதன் இசை வெளியீட்டு விழா வரும் மார்ச் 29 ஆம் தேதி நடைபெறவுள்ளதாக செய்திகள் வெளியாகியுள்ளன. முதல் பாகத்தின் பாடல் வெளியீட்டு விழாவில் ரஜினி மற்றும் கமல் உள்ளிட்டோர் கலந்து கொண்டது படத்தின் புரமோஷனுக்கு மிகப்பெரிய அளவில் கை கொடுத்தது. அதே போல் இரண்டாம் பாகத்திற்கான பாடல் வெளியீட்டு விழா பிரம்மாண்டமாக நடைபெறும் என கூறப்படுகிறது. ரசிகர்கள் மத்தியில் இந்த தகவல் எதிர்பார்ப்பை கிளப்பியுள்ளது.