கௌதம் கார்த்திக்கு ஜோடியான மஞ்சிமா மோகன்!

‘தேவராட்டம்’ படத்தில் நடித்து வரும் கௌதம் கார்த்திக்கு அவருக்கு ஜோடியாக நடிகை மஞ்சிமா மோகன் நடிக்கவுள்ளார்.

நடிகை கௌதம் கார்த்திக், இயக்குனர் முத்தையா இயக்கத்தில் ஒரு படத்தில் நடிக்கவுள்ளார். இதற்கு முன் இவர் ‘குட்டிபுலி’, ‘கொம்பன்’, ‘மருது’ ஆகிய படங்களில் இயக்கியுள்ளார். அடுத்து முத்தையா இயக்கவுள்ள படம் ‘தேவராட்டம்’, இந்தப் படத்தில் கௌதம் கார்த்தி ஹீரோவாக நடிக்கவுள்ளார். அவருக்கு ஜோடியாக மஞ்சிமா மோகன் நடிக்க ஒப்பந்தமாகியுள்ளார். இந்தப் படத்தை ஸ்டூடியோ கிரீன் சார்பில் ஞானவேல்ராஜா தயாரிக்கிறார். இந்தப் படத்தின் படப்பிடிப்பு கடந்த சில தினங்களுக்கு முன்பு ஆரம்பமானது. தற்போது கௌதம் கார்த்திக் தொடர்பான காட்சிகள் படமாக்கப்பட்டு வருகிறது.

மலையாள சினிமாவில குழந்தை நட்சத்திரமாக இருந்த மஞ்சிமா மோகன் ‘ஒரு வடக்கன் செல்பி’ படத்தின் மூலம் ஹீரோயின் ஆனார். ‘அச்சம் என்பது மடமையடா’ படத்தின் மூலம் தமிழில் அறிமுகமானார். அதையடுத்து ‘சத்ரியன்’, ‘இப்படை வெல்லும்’ ஆகிய படங்களில் நடித்தார். இப்போது ‘தேவராட்டம்’ படத்தில் நடிக்கவுள்ளார்.