மஞ்சுவாரியார் படத்திற்கு வாய்ஸ் கொடுத்திருக்கும் மோகன்லால்!

மஞ்சுவாரியார் நடித்த ‘சி/ளி சாய்ராபானு’ படத்தில் நடிகர் மோகன்லால் ஒருவருக்கு டப்பிங் பேசியுள்ளார்.

மஞ்சு வாரியர் நடிப்பில் கடந்த இரண்டு தினங்களுக்கு முன் வெளியாகி ஓடிகொண்டிருக்கும் படம் தான் ‘சி/ளி சாய்ராபானு’. பெண்கள் கூட்டம் தியேட்டர்களில் நிரம்பி வழிகிறது. இந்தப்படத்தில் மஞ்சுவாரியார் ஒரு கிராமத்தின் போஸ்ட் வுமனாக நடித்துள்ளார். திருமணம் செய்துகொள்ளாமலேயே ஒரு பையனை தத்தெடுத்து வளர்த்து வருகிறார் மஞ்சு.

சுமார் இருபது வருடங்கள் கழித்து இந்தப்படம் மூலம் மலையாளத்தில் ரீ என்ட்ரி கொடுத்துள்ளார் நடிகை அமலா. இந்தப் படத்தில் நடிகர் மோகன்லாலின் பங்கும் உள்ளது. படத்தில் மோகன்லால் நேரடியாக நடிக்கவில்லை என்றாலும் தனது குரலை இந்தப்படத்திற்காக கொடுத்துள்ளார்.

மஞ்சு வாரியர் தத்தெடுக்கும் பையனின் தந்தை கேரக்டருக்கு குரல் கொடுத்திருக்கிறார் நடிகர் மோகன்லால். முழுப்படத்தையும் பார்த்துவிட்டே அதன்பின் இந்த கேரக்டருக்கு குரல் கொடுத்துள்ளார் மோகன்லால். இப்போது படத்திற்கு மக்களிடம் கிடைத்துள்ள வரவேற்பு கண்டு, “இந்தப்படத்தில் எனது பங்களிப்பும் சிறிய அளவில் இருப்பதற்கு உண்மையிலேயே சந்தோஷப்படுகிறேன்” என கூறியுள்ளார் மோகன்லால்.