பல தயாரிப்பாளர்கள், பல ஹீரோக்கள் நிராகரித்த கதைதான் ‘ராட்சசன்’!

டில்லி பாபு தயாரிப்பில், ‘முண்டாசுப்பட்டி’ இயக்குனர் ராம்குமார் இயக்கத்தில் நடிகர் விஷ்ணு விஷால் நடிப்பில் தற்போது உருவாகியுள்ள படம் ‘ராட்சசன்’. இந்தப் படத்தில் நடிகை அமலா பால், விஷ்ணு விஷாலுக்கு ஜோடியாக நடித்துள்ளார். இந்த படம் அக்டோபர் 5-ல் ரிலீஸாகிறது.

இந்நிலையில், செய்தியாளர்ளிடம் பேசிய இயக்குனர் ராம்குமார், “‘முண்டாசுப்பட்டி’ படத்துக்குப் பிறகு ‘ராட்சசன்’ கதையை 20 தயாரிப்பாளர்கள், 17 ஹீரோக்களிடம் சொன்னேன். ஆனால், என்னை நம்பி யாரும் படத்தை தயாரிக்கவும், நடிக்கவும் முன் வரவில்லை” என வருத்தத்துடன் கூறினார்.

மேலும் நடிகர் விஷ்ணு விஷால் கூறுகையில், “’முண்டாசுப்பட்டி’ படத்தின் போது இயக்குனர் ராம்குமாரிடம், நாம் இன்னொரு படம் பண்ணலாம்‘ என்று கூறி இருந்தேன். அதற்கு ராம்குமார், ‘கொஞ்ச காலம் ஆகும்‘ என்றார். ஆனால் நான்கு ஆண்டுகள் ஆகும் என்றார். எனக்கு அப்போது தெரியாது. பல தடைகளுக்குப் பிறகு என்னை தேடி வந்த கதை இந்த ‘ராட்சசன்’” என்றார் விஷ்ணு விஷால்.