'ஜெய்பீம்' வெல்லட்டும்: சூர்யாவிற்கு இயக்குனர் மாரி செல்வராஜ் புகழாரம்!

சூர்யாவின் 39வது படமான 'ஜெய் பீமை' தா.செ.ஞானவேல் என்பவர் இயக்கியுள்ளார். இந்தப்படத்தை சூர்யாவின் 2டி என்டர்டெய்ன்மென்ட் நிறுவனம் தயாரித்துள்ளது. அண்மையில் இந்தப்படத்தின் டிரைலர் வெளியாகி ரசிகர்களிடம் பெரும் வரவேற்பை பெற்றது. இந்நிலையில் இந்தப்படத்திற்கு வாழ்த்து தெரிவித்து இயக்குனர் மாரி செல்வராஜ் தனது ட்விட்டர் பக்கத்தில் பகிர்ந்துள்ள பதிவு ஒன்று இணையத்தில் வைரலாகி வருகிறது.

'ஜெய் பீம்' படத்தில் சூர்யா ஜோடியாக ரஜிஷா விஜயன் நடித்துள்ளார். பிரகாஷ் ராஜ் முக்கியமான கதாபாத்திரத்தில் நடிக்கு இந்த படத்திற்கு ஷான் ரோல்டன் இசையமைத்துள்ளார். அறிமுக இயக்குனர் தா.செ.ஞானவேல் இயக்கும் இந்தப்படத்தை சூர்யாவின் 2டி என்டர்டெயின்மென்ட் நிறுவனம் தயாரித்துள்ளது.

‘ஜெய் பீம்’ படத்தில் இருளர், பழங்குடியினருக்காக போராடும் வழக்கறிஞர் வேடத்தில் சூர்யா நடித்துள்ளார். உண்மை சம்பவத்தை அடிப்படையாக கொண்டு உருவாகியுள்ள இந்தப்படத்தில் சூர்யாவின் கதாபாத்திரம் கெளரவ வேடமாக அல்லாமல் படம் முழுக்க வருவது போல் வடிவமைக்கப்பட்டுள்ளதாகவும் கூறப்படுகிறது.

அடுத்த பைக் ரைடர் ரெடி.. ஹெல்மெட்டுடன் ஆத்விக் அஜித்: வைரலாகும் புகைப்படம்!
இந்நிலையில் நாளை வெளியாகவுள்ள இந்தப்படத்திற்கு வாழ்த்து தெரிவித்து இயக்குனர் மாரி செல்வராஜ் தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில், அவசியமானதை அவசியமான நேரத்தில் தயங்காமல் முன்னெடுத்து நகரும் சூர்யாவிற்கு வாழ்த்துக்களும், ப்ரியமும். ஜெய்பீம் வெல்லட்டும். படக்குழுவினர் அனைவருக்கும் பாராட்டுக்கள். என பதிவிட்டுள்ளார்.


சூர்யாவின் 2டி நிறுவனம் மூலம் தயாரித்துள்ள இந்தப்படம் அமேசான் ப்ரைம் தளத்தில் தமிழ், தெலுங்கு, கன்னடம், மலையாளம் ஆகிய 4 மொழிகளில் வெளியாக உள்ளது. தீபாவளி பண்டிகையையொட்டி நாளை அமேசான் ப்ரைம் ஓடிடி தளத்தில் நேரடியாக ‘ஜெய் பீம்’ வெளியாக உள்ளது குறிப்பிடத்தக்கது.