நீ என்னை வெறுத்தாலும் நான் உன்னை விரும்புவேன் #KaatruVeliyidai ரிலீஸ் தேதி அறிவிப்பு

"நீ என்னை விரும்புறதை விட நான் உன்னை அதிகமா விரும்புவேன், நீ என்னை வெறுத்தாலும் நான் உன்னை விரும்புவேன், நீ என்னை விரும்பலைனாலும் விரும்புவேன்" என்று காதல் மந்திரம் சொல்லும் "காற்று வெளியிடை" படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது.

இயக்குனர் மணிரத்னம் இயக்கத்தில் கார்த்தி, அதிதி ராவ் மற்றும் பலர் நடித்து ஏ.ஆர்.ரஹ்மான் இசையமைத்திருக்கும் படம் "காற்று வெளியிடை". மணிரத்னத்தின் மெட்ராஸ் டாக்கீஸ் நிறுவனம் தயாரித்துள்ள இந்த படத்தை, தேனாண்டால் பிலிம்ஸ் நிறுவனம் வெளியிடுகிறது.

"நீ என்னை விரும்புறதை விட நான் உன்னை அதிகமா விரும்புவேன், நீ என்னை வெறுத்தாலும் நான் உன்னை விரும்புவேன், நீ என்னை விரும்பலைனாலும் விரும்புவேன்" என ஹீரோயினை உருகி உருகி காதலிக்கும் விமானப் படை அதிகாரியாக முற்றிலும் மாறுபட்ட தோற்றத்தில் ஹீரோ கார்த்தி, மருத்துவராக ஹீரோயின் அதிதி ராவ் நடித்துள்ள இப்படத்தின் பாடல்கள் மற்றும் ட்ரெய்லர் ஏற்கனவே வெளியாகி ரசிகர்கள் மத்தியில் வரவேற்பை பெற்றது.

படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் கடந்த சில நாட்களுக்கு முன்னர் முடிவடைந்ததால், படத்தின் ரிலீஸ் தேதி எப்போது வெளியாகும் என ரசிகர்கள் மத்தியில் பெரும் எதிர்பார்ப்பு நிலவி வந்தது.

Mark it on your calendar - April 7th 2017. Coming soon at theaters near you! #KaatruVeliyidai @arrahman @Karthi_Offl @aditiraohydari pic.twitter.com/nmSyjog3ZZ — Kaatru Veliyidai (@MadrasTalkies_) March 16, 2017 இந்நிலையில், "காற்று வெளியிடை" படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. அதன்படி, அப்படம் வருகிற ஏப்ரல் மாதம் 7-ம் தேதி வெளியிடப்படவுள்ளது.
Mark it on your calendar - April 7th 2017 Coming soon at theaters near you! #KaatruVeliyidai