மாஸ்டர் விஜய் பற்றி வேகமாக பரவிய செய்தி.. படக்குழு மறுப்பு!

நடிகர் விஜய் மாஸ்டர் படத்தின் ஷூட்டிங்கை சமீபத்தில் முடித்துள்ளார். அவரது அடுத்த படம் எந்த இயக்குனருடன் என்பது பற்றித்தான் பரபரப்பாக பேசப்பட்டு வருகிறது.

இந்நிலையில் மாஸ்டர் படத்தை பற்றி ஒரு செய்தி சமீபத்தில் வேகமாக பரவி வருகிறது. மாஸ்டர் இயக்குனர் லோகேஷ் கனகராஜ் மற்றும் ரத்னகுமார் இருவரும் மாஸ்டரில் ஒரு காட்சியில் கெஸ்ட் ரோலில் நடித்திருக்கிறார்களாம். அந்த காட்சியை நடிகர் விஜய்யே இயக்குநராக மாறி டைரக்ட் செய்தார் என செய்திகள் பரவியது. ஷூட்டிங் முடிந்து பல நாட்களை ஆன நிலையில் தற்போது இப்படி ஒரு செய்தி பரவியுள்ளது.

இது பற்றி படக்குழு தற்போது விளக்கம் கொடுத்துள்ளது. மாஸ்டரில் லோகேஷ் கனகராஜ் மற்றும் ரத்னகுமார் இருவரும் கௌரவ தோற்றத்தில் நடித்திருப்பது உண்மை தான், ஆனால் அந்த காட்சியை விஜய் இயக்கவில்லை என விளக்கம் கூறியுள்ளனர்.

மாஸ்டர் படம் ஏப்ரல் 9ம் தேதி திரைக்கு வரும் நிலையில் டப்பிங் உள்ளிட்ட போஸ்ட் ப்ரோடக்ஷன் பணிகள் நடந்து வருகிறது. சென்சார் முடிந்த பிறகுதான் ரிலீஸ் தேதி பற்றிய அதிகாரப்பூர்வ அறிவிப்பு வெளிவரும் என எதிர்பார்க்கப்படுகிறது.

கத்தி படத்திற்கு பிறகு அனிருத் மாஸ்டர் படத்தின் மூலமாக விஜய்யுடன் கூட்டணி சேர்கிறார். முதல் பாடலான குட்டி ஸ்டோரி பாடல் பெரிய ஹிட் என்பதால் அடுத்து மீதம் உள்ள பாடல்கள் எப்போது வெளிவரும் என்று தான் ரசிகர்கள் காத்திருக்கின்றனர். இசை வெளியீட்டு விழா அடுத்த வாரம் நடைபெறவுள்ளது என்று கூறப்பட்டு வருகிறது. அதுபற்றிய அதிகாரபூர்வ அறிவிப்பு இன்னும் ஓரிரு தினங்களில் எதிர்பார்க்கலாம்.