விஜய் ரசிகர்கள் தயாரா? மாஸ்டர் தயாரிப்பாளர் அறிவித்த பிரம்மாண்ட கேம்

நடிகர் விஜய்க்கு உலகம் முழுவதும் எவ்வளவு ரசிகர்கள் இருக்கிறார்கள் என்பது சொல்லி தெரிய வேண்டியதில்லை. அவரது திரைப்படங்களை திருவிழா போல தியேட்டர்களில் கொண்டாடுவார்கள் ரசிகர்கள். பல வருடங்கள் கழித்து அவரது பழைய திரைப்படம் ஏதாவது தியேட்டரில் ரீரிலீஸ் ஆனால் கூட அதை மிகப்பெரிய அளவில் கொண்டாடுவார்கள். அப்படி இருக்கும் ரசிகர்கள் அனைவரும் தற்போது காத்திருப்பது மாஸ்டர் படத்தின் ரிலீசுக்காக தான் . லோகேஷ் கனகராஜ் இயக்கி இருக்கும் அந்த படத்தின் வெளியீடு கொரோனா காரணமாக தொடர்ந்து தள்ளிப் போய்க் கொண்டே இருக்கிறது. தியேட்டர்கள் திறக்கப்பட்ட பிறகு தான் மாஸ்டர் தியேட்டரில் வெளியாகும் என தயாரிப்பாளர் அறிவித்து இருப்பது குறிப்பிடத்தக்கது.

இந்நிலையில் மாஸ்டர் படத்தின் ரிலீஸ் உரிமையை வைத்திருக்கும் 7 ஸ்கிரீன் ஸ்டுடியோ நிறுவனம் புதிய கேம் ஷோ ஒன்றை அறிவித்திருக்கிறது. அந்த நிகழ்ச்சி மூலமாக அவர்கள் World's Biggest fan of Thalapathy Vijay என ஒருவருக்கு பட்டம் அளிக்க உள்ளனர். விஜய்க்கு வெறித்தனமான ரசிகர்கள் பல லட்சம் பேர் இருக்கும் நிலையில் இந்த பட்டத்தை யார் வெல்லப் போவது என்பதை பொறுத்திருந்து தான் பார்க்க வேண்டும்.

இந்த நிகழ்ச்சியில் பங்கேற்பதற்கு பரிசுகளும் அறிவிக்கப்பட்டிருக்கிறது. World's Biggest fan of Thalapathy Vijay டைட்டில் வெல்பவருக்கு ஒரு பஜாஜ் பல்சர் 150 பைக் பரிசாக வழங்கப்பட உள்ளது. அது மட்டுமின்றி வாரா வாரம் நடக்கும் போட்டிகளில் வெற்றி பெறுபவர்களுக்கு மாஸ்டர் முதல் நாள் படம் பார்ப்பதற்காக 5 டிக்கெட்டுகளும் வழங்கப்பட இருக்கிறது.

இது பற்றிய அதிகாரப்பூர்வ அறிவிப்பை 7 ஸ்கிரீன் ஸ்டுடியோ நிறுவனம் சற்றுமுன் வெளியிட்டிருக்கிறது. இதோ..


நீங்கள் நீங்கள் விஜயின் தீவிர ரசிகராக இருந்தால் இந்தப் போட்டியில் நிச்சயம் கலந்து கொள்ளுங்கள்.

மாஸ்டர் படத்தில் விஜய் கல்லூரி பேராசிரியராக நடித்திருக்கிறார். அவருக்கு ஜோடியாக மாளவிகா மோகனன் நடித்துள்ளார். மேலும் முக்கிய ரோலில் ஆண்ட்ரியா, சாந்தனு உள்ளிட்ட பலர் நடித்திருக்கிறார்கள். நெகடிவ் ரோலில் விஜய் சேதுபதி, கைதி அர்ஜுன் தாஸ் உள்ளிட்டவர்கள் நடித்திருக்கின்றனர்.

மாஸ்டர் படத்தின் ரிலீஸ் முதலில் ஏப்ரல் 9ம் தேதி என தான் முடிவு செய்யப்பட்டது. ஆனால் கொரோனா லாக் டவுன் போடப்பட்ட காரணத்தினால் தியேட்டர் மூடப்பட்ட நிலையில் மாஸ்டர் உள்ளிட்ட அனைத்து படங்களும் பாதிக்கப்பட்டு இருக்கிறது. அதற்கு முன்பே இசை வெளியீட்டு விழா முடிவடைந்துவிட்டாலும் மாஸ்டர் ட்ரெய்லர் வெளியிடப்படவில்லை. அது பற்றி தான் படக்குழுவினரை ரசிகர்கள் தொடர்ந்து கேட்டு வருகிறார்கள். ஆனால் புது ரிலீஸ் தேதி உறுதியான பிருகு தான் ட்ரெய்லர் வெளியிடப்படும் என தயாரிப்பாளர் கூறி இருப்பது குறிப்பிடத்தக்கது.