பிகில் போஸ்டரை கிழித்து போராட்டத்தில் இறங்கிய வியாபாரிகள்

விஜய்-அட்லி மூன்றாவது முறையாக சேர்ந்து பணியாற்றியுள்ள படம் பிகில். ஏஜிஎஸ் நிறுவனம் தயாரித்துள்ள இந்த படத்திற்கு ஏ.ஆர். ரஹ்மான் இசையமைத்துள்ளார். நயன்தாரா கதாநாயகியாக நடிக்கக் கதிர், விவேக்,யோகி பாபு, இந்துஜா, தேவதர்ஷினி, டேனியல் பாலாஜி ஆகியோர் முக்கிய கதாபாத்திரங்களில் நடித்துள்ளனர்.

தீபாவளிக்கு வெளியாகவுள்ள இந்தப் படத்தின் இசை வெளியீட்டு விழா சமீபத்தில் சென்னையில் உள்ள ஸ்ரீ சாய் ராம் கல்லூரியில் நடைபெற்றது. அப்போது அதிமுக அரசு குறித்து விமர்சனம் செய்ததால் விஜய் சர்ச்சையில் சிக்கியுள்ளார். விஜய்யின் பேச்சால் அரசியல் வட்டாரத்தில் பரபரப்பு ஏற்பட்டுள்ளது.

பிகில் ஃபர்ஸ்ட் லுக் போஸ்டரில் விஜய், இறைச்சி வெட்டும் முட்டுக்கட்டை மீது செருப்பு காலை வைத்துள்ளதாகவும், அது தங்களது தொழிலை அவமதிக்கும் வகையில் இருப்பதாகவும் இறைச்சிக் கடை உரிமையாளர்கள் கோவை மாவட்ட கலெக்டர் அலுவலகத்தில் புகார் மனு ஒன்றை அளித்துள்ளனர்.


தனுஷை அடுத்து ஹாலிவுட் செல்லும் ஜி.வி. பிரகாஷ்

அந்த மனுவில் கூறியிருப்பதாவது, 'இந்தியாவில் உள்ள மீன் வியாபாரிகள் மற்றும் இறைச்சி வியாபாரிகள் அதிகாலை தொட்டு வணங்கி தொழில் செய்யும் முட்டுக்கட்டை மீது செருப்புக் கால் வைத்து போஸ்டர் வெளியிட்டுள்ளனர். அந்தக் காட்சியோடு படம் வெளிவந்தால் வியாபாரிகள் மத்தியில் பெரும் கொந்தளிப்பை ஏற்படுத்திவிடும். அதனால் அந்தக் காட்சி சம்பந்தப்பட்ட பகுதியை நீக்கிவிட்டுப் படத்தை வெளியிட வேண்டும்' என்று கூறியுள்ளனர்.

தனுஷை அடுத்து ஹாலிவுட் செல்லும் ஜி.வி. பிரகாஷ்

மேலும் மனு கொடுக்க சென்ற இடத்தில் அவர்கள் பிகில் படத்தின் போஸ்டரையும் கிழித்து போராட்டத்தில் ஈடுபட்டதால் அங்கு பரபரப்பு ஏற்பட்டது.