கல்யாணத்தை நிறுத்த இத்தனை அக்கப்போரா? முடியலடா சாமி!

எபிசோட் மூன்றில் இரண்டாம் நாயகி மைதிலி தனது திருமண சங்கீத் நிகழ்ச்சியில் நடனம் ஆடுகிறார். பிறகு மீண்டும் ராமுக்கு அருகே வந்து அமர்கிறார். அப்போது மைதிலியின் உறவுக்காரர் ஆகாஷ் வந்து மைதிலியை கட்டி அணைக்கிறார். அவர் போலீசாக உள்ளார். மைதிலியை திருமணம் செய்து கொள்ள வேண்டும் என்று அவர் ஆசைப்பட்டிருப்பார் போல. பிறகு ஹோட்டலில் மீராவின் கதை கேட்டு அவரை சமாதானம் செய்ய அனைவரும் முயற்சி செய்ய, மீரா திருமணத்தை நிறுத்த வேண்டும் என்று உறுதியாக நிற்கிறார். சீனு, மாதவன் மற்றும் அவரது மனைவி ஆகியோர் திருமணத்தை நிறுத்த பல திட்டங்களை போடுகின்றனர். இதற்கு நடுவே ராமை சந்தித்த மைதிலியின் உறவினர், அவரை எங்கோ பார்த்ததாக சொல்லி கடுப்பேற்றுகிறார்.

மீராவின் அப்பாவும் இவரும் நண்பர்களாம். திருமணத்தை நிறுத்த 3 பேரும் மீராவுடன் சேர்ந்து திட்டம் போடுகிறார்கள். மீரா கர்ப்பமாக இருப்பதால் மட்டும் ராம் அவருடன் வாழ சம்மதிக்கக் கூடாது என்றும், பழைய காதலுடன் இவர்களை சேர்த்து வைக்க வேண்டும் என்றும் கூறுகிறார்கள். இவர்களின் திட்டம் தெரியாமல் ராம் இவர்களுக்கு போன் செய்து விரைவாக ஹோட்டலில் இருந்து திருமணம் நடைபெறும் இடத்துக்கு வரச் சொல்லி கட்டாயப்படுத்துகிறார்.

நன்றாக உடை அணிந்து கொண்டு சீனு, மாதவன் மற்றும் அவரது மனைவி அங்கு வருகின்றனர். நேராக ராமின் அம்மாவிடம் சென்று மாதவனின் மனைவி மைதிலி பற்றி தவறாக பேசுகிறார். ஆனால் அவரது அம்மாவோ கல்யாணத்தை நிறுத்தாமல் பெண் வீட்டாரிடம் கூடுதலாக வரதட்சணை கேட்க திட்டமிடுகிறார். மாதவன் ஆகாஷை கடுப்பேற்றி அவரிடம் அடிவாங்கிக் கொண்டு நியாயம் கேட்க ராமிடம் செல்ல, அவர் திட்டி அனுப்புகிறார்.

எய்யா விக்னேஷ் சிவன், இதை மொதல்லயே சொல்லக் கூடாதா?

இதற்கு நடுவே ஆகாஷ் மைதிலியின் பெற்றோரிடம் சண்டை போடுகிறார். அதை ஒட்டுக்கேட்ட மாதவனின் மனைவி இதை வைத்து பிரச்சனையை பெரிதாக்க நினைக்கிறார். அவர் நேராக ஆகாஷின் அம்மாவிடன் சென்று ராம் ஏற்கனவே திருமணம் ஆனவர் என்பதை கொளுத்தி போட, அவர் கோபமாக சென்று மற்ற உறவினர்களிடம் இதுகுறித்து சொல்கிறார்.

இதைப் பார்த்த மைதிலியின் அப்பா அழுதுகொண்டே செல்ல, கடுப்பான மைதிலி இது ராமின் இரண்டாம் திருமணம் தான் என்று கடுப்பாகி கத்துகிறார். அழுதுகொண்டே சென்ற மைதிலியின் அப்பாவுக்கு ஏதோ ஆகிவிட்டதாக ஒருவர் வந்து செல்ல திருமணம் அப்படியே நின்றுவிடுகிறது. திருமணத்தை நிறுத்த இவர்கள் செய்யும் கூத்து நிச்சயம் நமது வயிற்றை பதம் பார்த்துவிடும். முழுக்க முழுக்க காமெடி தான் இந்த எபிசோட்டில்.