எதிரும் புதிருமாக இருக்கும் பிரபல நடிகைகள்!

பிரபல நடிகைகள் காஜல் அகர்வாலும், மெஹ்ரினும் ஒருவருக்கொருவர் எதிரும் புதிருமாக நடந்து கொள்கிறார்கள்.

பெல்லம்கொண்டா ஸ்ரீனிவாஸ் இயக்கத்தில் தெலுங்கில் உருவாகி வரும் படம் ‘கவச்சம்’. இந்தப் படத்தில் நடிகைகள் காஜல் அகர்வால், மெஹரின் ஆகியோர் இணைந்து நடித்துள்ளனர். நடிகை காஜல் தமிழில் பல படங்களில் நடித்துள்ளார். அதேபோல் நடிகை மெஹ்ரின் தமிழில் ‘நெஞ்சில் துணிவிருந்தால்’, ‘நோட்டா’ ஆகிய படங்களில் நடித்துள்ளார். தற்போது இவர்கள் இருவரும் இணைந்து நடித்த படம் ‘கவச்சம்’.

இந்நிலையில் நடிகை காஜல் அகர்வால், ‘கவச்சம்’ பட புரமோஷன் நிகழ்ச்சிகளுக்கு மெஹ்ரின் வந்தால் நான் வர மாட்டேன் என்று கூறியதாக செய்திகள் வெளியானது. இதனால் தான் கவச்சம் இசை வெளியீட்டு விழாவுக்கு மெஹ்ரின் வரவில்லை என்று கூறப்பட்டது.

படப்பிடிப்பின்போது காஜலுக்கும், மெஹ்ரினுக்கும் இடையே பிரச்சினை ஏற்பட்டுவிட்டதாம். பாடல்களை படமாக்க படக்குழு துபாய்க்கு சென்றது. மெஹ்ரின் பகுதியை படமாக்கும் வரை நான் துபாய்க்கு வர மாட்டேன் என்று காஜல் கூறியுள்ளார். மெஹ்ரின் இந்தியா திரும்பிய பிறகே காஜல் துபாய்க்கு சென்றுள்ளார்.

தற்போது இவர்கள் இருவரும் எதிரும் புதிருமாக இருந்து வருகிறார்கள்.