வசூலில் கபாலி, விவேகத்தை மிஞ்சிய மெர்சல் - எவ்வளவு தெரியுமா?

தீபாவளிக்கு விருந்தளிக்கும் விதமாக ‘மெர்சல்’ படம் அமைந்துவிட்டது.

தீபாவளிக்கு உலகம் முழுவதும் வெளியாகி வசூல் வேட்டயாடி வருகின்றது ‘மெர்சல்’ திரைப்படம். படத்திற்கு நல்ல விமர்சனங்கள் கிடைத்து வருகின்றது.

முன்னனி நடிகர்கள் நடித்த படங்கள் வெளிவரும் போதெல்லாம், அதற்கு முன் வெளியவந்த அவரின் போட்டி முன்னனி நடிகரின் படத்தை ஒப்பிட்டு பார்ப்பது வாடிக்கையாகிவிட்டது.

அந்த வகையில் சென்னையில் மெர்சல் மாஸ் காட்டி வருகின்றது. சென்னையில் முதல்நாளில் மட்டும் ரூ. 1.52 கோடி வசூல் செய்து சாதனைப் படைத்துள்ளது.

இது ரஜினியின் கபாலி மற்றும் தல அஜித்தின் விவேகத்தின் முதல் நாள் வசூலை விட அதிகம். கபாலி படத்தின் முதல் நாள் வசூல் ரூ. 1.12 கோடியும், விவேகம் முதல்நாளில் ரூ. 1.21 கோடியும் வசூல் செய்திருந்தது குறிப்பிடத்தக்கது.

இதே போல் ரஜினியின் ‘எந்திரன்’ பட வசூலை, விஜய்யின் ‘கத்தி’ முறியடித்தது. அதே போல தற்போது, ‘கபாலி’ யின் வசூல் சாதனையை தற்போது ‘மெர்சல்’ படம் வசூலில் முந்தி சாதனைப் படைத்துள்ளது.