மெர்சல் தலைப்பு தடை இல்லை: விஜய் ரசிகர்கள் மகிழ்ச்சி

மெர்சல் திரைப்படத்தின் தலைப்புக்கு தடைவிதிக்க கோரிய வழக்கு தள்ளுபடி செய்யப்பட்டது.

விஜய் நடிப்பில் அட்லி இயக்கிய படம் மெர்சல். ரூ.100 கோடி பட்ஜெட்டில் எடுக்கப்பட்ட இப்படம் தேனாண்டாள் பிலிம்ஸ் நிறுவனத்தின் 100வது படம் ஆகும். தீபாவளி ரிலீஸ்க்கு தயாராகி வரும் இப்படத்தில் தலைப்பு தொடர்பாக சர்ச்சை எழுந்தது.

"மெர்சலாயிட்டேன் என்ற தான் தயாரிக்கும் படத்தின் தலைப்பை காப்பி அடித்து மெர்சல் என்று விஜய் படக்குழு பயன்படுத்துகிறது" என்று வழக்கு தொடர்ந்தார் தயாரிப்பாளர் ராஜேந்திரன். மெர்சல் என்ற பெயரில் படம் வெளியாக தடை விதிக்கவும் அவர் கோரினார்.

இது தொடர்பாக சென்னை உயர்நீதிமன்றத்தில் தொடரப்பட்ட வழக்கை தனி நீதிபதி தள்ளுபடி செய்தார். இதனை எதிர்த்து ராஜேந்திரன் மீண்டும் சென்னை உயர்நீதிமன்றத்தில் மேல்முறையீடு செய்தார். இந்த மனுவும் தள்ளுபடி செய்யப்பட்டுள்ளது.