’மெட்ரோ’ புகழ் சிரிஷ் நடிப்பில் ’ராஜா ரங்குஸ்கி’ டீசர் வெளியானது!

சென்னை: ராஜா ரங்குஸ்கி படத்தின் டீசர் வெளியாகியுள்ளது.

’ ஜாக்சன் துரை’ படத்தை இயக்கியவர் தரணிதரன். இவரது இயக்கத்தில் உருவாகி வரும் புதிய படம் ‘ராஜா ரங்குஸ்கி’ இதில் ’மெட்ரோ’ பட புகழ் சிரிஷ், சாந்தினி தமிழரசன் உள்ளிட்டோர் நடித்துள்ளனர்.

இப்படத்தை சக்தி வாசன் மற்றும் பர்மா டாக்கீஸ் நிறுவனம் இணைந்து தயாரித்துள்ளது. இதில் போலீஸ் அதிகாரியாக சிரிஷ் நடித்துள்ளார்.

யுவன் ஷங்கர் ராஜா இசையமைத்துள்ளார். மேலும் ‘நா யாருன்னு தெரியுமா’ என்ற பாடலை, இப்படத்திற்காக நடிகர் சிம்பு பாடியுள்ளார்.

இந்நிலையில் உழைப்பாளர் தினமான இன்று, ராஜா ரங்குஸ்கி படத்தின் டீசரை வெளியிட திட்டமிட்டிருந்தனர்.

அதன்படி, இயக்குநர் கார்த்திக் சுப்புராஜ் தனது டுவிட்டர் பக்கத்தின் மூலம் டீசரை வெளியிட்டுள்ளார். சஸ்பென்ஸ் ரொமான்ஸ் கதையான ராஜா ரங்குஸ்கி ரசிகர்களிடம் பெரும் வரவேற்பு என்று எதிர்பார்க்கப்படுகிறது.
Metro Shirish's new movie Raja Ranguski teaser released.