‘மேயாத மான்’ ஆடியோ இம்மாதம் வெளியீடு!

கார்த்திக் சுப்புராஜின் தயாரிப்பில் உருவான ‘மேயாத மான்’ படத்தின் ஆடியோ இம்மாதம் வெளியாகவுள்ளது.

‘பீட்சா’, ‘ஜிகர்தண்டா’, ‘இறைவி’ ஆகிய படங்களை இயக்கியவர் கார்த்திக் சுப்புராஜ். தற்போது இவர் ‘மேயாத மான்’ என்ற படத்தை தயாரித்து வருகிறார். இந்தப் படத்தின் படப்பிடிப்பு முடிவந்துள்ள நிலையில் படத்தின் இசை வெளியீட்டு தேதி தற்போது வெளியாகியுள்ளது. இந்த படத்தின் இசை வெளியீடு செப்டம்பர் 27ம் தேதி புதன்கிழமை நடைபெறும் என அதிகாரபூர்வமாக அறிவிக்கப்பட்டுள்ளது. இந்த படத்திற்கு சந்தோஷ் நாராயணன் இசையமைத்துள்ளார்.

படத்தின் ஹீரோவாக வைபவ் நடித்துளார். மேலும் டிவி சீரியல் பிரியா நாயகியாக நடித்துள்ளார். இந்தப் படத்தை ரத்னகுமார் இயக்கியுள்ளார். மேலும் இந்த படத்தில் விவேக் பிரச்சன்னா அருண் பிரசாத் உட்பட பலர் நடித்துள்ளனர்.