எம்.ஜி.ஆர். நினைவு தினம்: புரட்சி தலைவரை பார்த்த மாதிரியே இருக்குல?

மறைந்த முன்னாள் முதல்வர் ஜெயலலிதாவின் வாழ்க்கை வரலாறை படமாக எடுத்துள்ளார் இயக்குநர் ஏ.எல். விஜய். தலைவி என்று பெயர் வைக்கப்பட்டுள்ள அந்த படத்தில் பாலிவுட் நடிகை கங்கனா ரனாவத் ஜெயலலிதாவாக நடித்துள்ளார்.

கங்கனா ரனாவத்தின் ஃபர்ஸ்ட் லுக் போஸ்டர் வெளியானபோது அவர் ஜெயலலிதா மாதிரி இல்லை பொம்மை போன்று இருக்கிறார் என்று சமூக வலைதளங்களில் கிண்டல் செய்தார்கள். தலைவி படத்தில் அரவிந்த்சாமி தான் எம்.ஜி.ஆராக நடித்துள்ளார்.

அவரின் ஃபர்ஸ்ட் லுக் போஸ்டர் கடந்த ஜனவரி மாதம் வெளியானது. போஸ்டரை பார்த்தவர்கள் அரவிந்த்சாமி அப்படியே எம்.ஜி.ஆர். போன்றே இருக்கிறார் என்று பாராட்டினார்கள்.

புரட்சித் தலைவர் எம்.ஜி.ஆரின் நினைவு நாளையொட்டி என் புது லுக் டிசம்பர் 24ம் தேதி காலை வெளியாகும் என்று அரவிந்த்சாமி ட்வீட் செய்தார். அதன்படி புது லக் வெளியாகியுள்ளது. மூன்று புகைப்படங்களை வெளியிட்டு அரவிந்த்சாமி கூறியிருப்பதாவது,
புரட்சித் தலைவர் எம்.ஜி.ஆராக ஒரு மணிநேரம் நடித்தது வெறும் கவுரவம் மட்டும் அல்ல பெரிய பொறுப்பு. என் மீது நம்பிக்கை வைத்த இயக்குநர் ஏ.எல். விஜய் மற்றும் தயாரிப்பாளர்களுக்கு நன்றி. தலைவரின் நினைவில் இந்த புகைப்படங்களை இன்று வெளியிடுகிறேன் என்று தெரிவித்துள்ளார்.

அந்த புகைப்படங்களை பார்த்த ரசிகர்கள் கூறியிருப்பதாவது,

எம்.ஜி.ஆரை பார்த்தது மாதிரியே இருக்கிறது. இந்த புகைப்படங்களை பார்த்த என் பெற்றோர் எம்.ஜி.ஆர். என்று நினைத்துவிட்டார்கள். வாவ், அருமையான லுக். ரொம்ப பொருத்தம். படத்தை பார்க்க காத்துக் கொண்டிருக்கிறோம் என கூறியுள்ளனர்.

தலைவி படத்திற்காக கங்கனா ரனாவத் தன் உடல் எடையை ஏற்றி, குறைத்துள்ளார், பரதம் கற்றுள்ளார். அவர் முழு ஈடுபாட்டுடன் நடித்ததாக ஏ.எல். விஜய் தெரிவித்துள்ளார். ஜெயலலிதா கதாபாத்திரத்திற்கு கங்கனா பொருத்தம் இல்லை என்று பலரும் விமர்சித்தனர். ஆனால் விஜய் அதை எல்லாம் கண்டுகொள்ளவில்லை.

படத்தை பார்த்து தெரிந்துகொள்ளட்டும் என்று இருக்குறார் போன்று. விஜய் எந்த படத்தை இயக்கினாலும் அது ரசிகர்களின் எமோஷனை தொட்டுப் பார்க்கும். அதனால் தலைவியும் நிச்சயம் படம் பார்ப்பவர்களை கவரும் என்று எதிர்பார்க்கப்படுகிறது.

காலங்காத்தாலயே பிகினியா?: 'தலைவி'யை விளாசும் நெட்டிசன்ஸ்