மாடல் ரேகா சிந்து கார் விபத்தில் மரணம்!!

வேலூர் மாவட்டம் நாட்ராம்பள்ளி அருகே சென்று கொண்டிருந்தபோது மாடலும், நடிகையுமான ரேகா சிந்து கார் விபத்தில் மரணமடைந்தார்.

சென்னையில் இருந்து நடிகை ரேகா சிந்து மூன்று பேருடன் பெங்களூர் சென்று கொண்டு இருந்தார். சென்னை-பெங்களூர் நெடுஞ்சாலையில் பேரணாம்பட்டு அருகே சென்று கொண்டிருந்தபோது, சுண்ணாம்பு குட்டை என்ற இடத்தில் உள்ள சென்டர் மீடியனில் மோதி கார் விபத்துக்குள்ளானது. இந்த விபத்தில் அதே இடத்தில் ரேகா பலியானார். அவருடன் சென்ற அபிஷேக் குமரன் (22), செங்கல்பட்டைச் சேர்ந்த ஜெயச்சந்திரன் (23), சென்னையைச் சேர்ந்த ரக்ஷன் (20) ஆகிய மூன்று பேரும் காயங்களுடன் உயிர் தப்பினர்.

ரேகா சிந்து டி.வி. நடிகர், நடிகைகளுக்கு ஆடை வடிவமைப்பாளராகவும், விளம்பர மாடலாகவும் இருந்தார்.தற்போது தமிழில் ருத்ரா என்ற படத்தில் நடித்து வருகிறார். படம் இன்னும் வெளியாகவில்லை.

விபத்தில் உயிரிழந்த ரேகா ​பல்வேறு விளம்பரங்களில் நடித்தவர். தற்போது அவரது உடல் திருப்பத்தூர் அரசு மருத்துவமனைக்கு எடுத்து செல்லப்பட்டுள்ளது. இந்த விபத்து குறித்து போலீசார் வழக்குப் பதிவு செய்து விசாரணை மேற்கொண்டு வருகின்றனர்.

Model rekha sindhu killed in road accident on chennai-bengaluru nh