இருமுகன் தள்ளிப்போக மோகன்லால் காரணமா?

விக்ரமின் இருமுகன் ரீலீஸ் தள்ளிப்போக மலையாள நடிகர் மோகன்லால் தான் காரணம் என்று கூறப்படுகிறது.

விக்ரம் நடித்து ஆனந்த் ஷங்கர் இயக்கியுள்ள இருமுகன் திரைப்படம் ரிலீஸூக்கு தயாராக உள்ளது. முதலில் டெப்டம்பர் 2-ஆம் தேதி படம் வெளியாகும் என்று கூறப்பட்டது. அதற்கு பின்னர் 8-ந்தேதி ரிலீஸ் தள்ளிப்போனதாக படத்தரப்பினர் கூறினர். தற்போது ஒரு வாரத்திற்கு படம் தள்ளிப்போயிருப்பதாக தகவல் வெளியாகி உள்ளது. ஏனென்றால் இருமுகன் படத்தை கேரளாவை சேர்ந்த ஷிபு தமீம்ஸ் தயாரித்து இருக்கிறார். செப்டம்பர் 2-ஆம் தேதி மோகன்லால், ஜீனியர் என்டிஆர், சமந்தா நடித்த ஜனதா கேரேஜ் என்ற திரைப்படம் தெலுங்கு மற்றும் மலையாளத்தில் வெளியாகிறது. இந்நிலையில் இருமுகன் படத்தை தமிழ்நாடு, கேரளா, ஆந்திரா ஆகிய மூன்று மாநிலங்களில் வெளியிட திட்டமிட்டு இருந்த தயாரிப்பாளர் ஷிபு தமீம்ஸ் “ஜனதா கேரேஜ்” படம் வெளியாவதால், இருமுகன் ரிலீஸை தள்ளிவைத்துள்ளதாக கூறப்படுகிறது.