சின்னத்திரையில் பொழுதுபோக்கு நிகழ்ச்சியை நடத்தும் மோகன்லால்!

நடிகர் மோகன்லால் தற்போது சின்னத்திரையில் பொழுதுபோக்கு நிகழ்ச்சி ஒன்றை நடத்தவுள்ளார்.

முன்பெல்லாம் சின்னத்திரையில் தோன்றினால் சினிமாவில் நடிக்கும் வாய்ப்பு பாதிக்கப்படும் என்று பலரும் பயந்து ஒதுங்கி இருந்தனர். ஆனால் இன்று சின்னத்திரையில் தோன்றினால் அது நேரடியாக பார்வையாளர்களைச் சென்றடைகிறது என்று பலரும் புரிந்து வைத்துள்ளார்கள்.

நடிகர்கள் ஆமீர் கான், சல்மான் கான், சூர்யா, சரத்குமார், சுரேஷ்கோபி ஆகியோர் ரியாலிட்டி ஷோக்கள் மூலமாக சின்னத்திரைக்குள் வந்தது இப்படித்தான். தற்போது நடிகர் கமல் கடந்த ஒரு மாதத்திற்கும் மேலாக ‘பிக் பாஸ்’நிகழ்ச்சி மூலமாக சின்னத்திரை ரசிகர்களை தன் வசம் இழுத்துக்கொண்டுள்ளார். இதனால் அவரது மதிப்பு இன்னும் உயரவே செய்துள்ளது என்பது கண்கூடாக நான் காண்கிறோம்.



அந்த வகையில் மலையாள சூப்பர்ஸ்டார் மோகன்லாலும் முதன்முதலாக சின்னத்திரையில் அடியெடுத்து வைத்துள்ளார். அம்ரிதா டிவி என்கிற சேனலில் ‘லால் சலாம் என்கிற பொழுதுபோக்கு நிகழ்ச்சியை மோகன்லால் தான் நடத்த இருக்கிறார். விரைவில் துவங்கவுள்ள இந்த நிகழ்ச்சிக்கான லோகோவை தனது பேஸ்புக் பக்கத்தில் வெளியிட்டுள்ளார் மோகன்லால்.