ஸ்ரீதேவியின் மாம் படத்தின் 2வது டிரைலர்

ஸ்ரீதேவி நடிக்கும் 300 படமான மாம் படத்தின் 2வது டிரைலர் தற்போது வெளியாகியுள்ளது.

ரவி உத்யவார் இயக்கத்தில் ஸ்ரீதேவியின் கணவர் போனி கபூர் தயாரிப்பில் ஸ்ரீதேவி நடித்து வரும் பாலிவுட் படம் மாம். ஹிந்தியைத் தொடர்ந்து தமிழ், தெலுங்கு மற்றும் மலையாளம் ஆகிய மொழிகளில் டப் செய்யப்பட்டு வரும் வரும் ஜூலை 7ம் தேதி திரைக்கு வரவுள்ளது. இந்த நான்கு மொழிகளுக்குமே ஸ்ரீதேவி டப்பிங் பேசியுள்ளார் என்பது குறிப்பிடத்தக்கது.



இந்நிலையில், கடந்த மாதம் வெளியான இப்படத்தின் முதல் டிரைலரைத் தொடர்ந்து தற்போது இப்படத்தின் 2வது டிரைலர் வெளியாகியுள்ளது. ஏ.ஆர்.ரஹ்மான் இசையமைத்துள்ள இப்படத்தில் ஸ்ரீதேவின் மகளான பாகிஸ்தானின் நடிகை சஜால் அலி நடித்துள்ளார். நவாசூதீன் சித்திக்கும் இப்படத்தில் ஸ்ரீதேவியுடன் இணைந்து நடித்துள்ளார் என்பது குறிப்பிடத்தக்கது.