ப்ரோபஸராக விஜய், இந்த ரோல் அஜித்துக்கு பொருத்தமாக இருக்கும்: Money Heist இயக்குனர்

தற்போது உலகம் முழுவதும் அதிகம் பேசப்பட்டு வரும் சீரிஸ் மணி ஹெய்ஸ்ட். ஸ்பானிஷ் மொழியில் உருவான இந்த தொடர் நெட்பிலிக்ஸ் தளத்தில் அதிக அளவில் ரசிகர்களால் பார்க்கப்பட்டு வருகிறது.

பணத்தை கொள்ளையடிக்க ஒரு பெரிய டீமை உருவாக்கும் ப்ரோபஸர் அவர்கள் மூலமாக தான் நினைத்ததை எப்படி சாதிக்கிறார் என்பதை தான் த்ரில்லிங்காக இந்த சீரிஸ் காட்டியிருக்கும்.

இந்நிலையில் இந்த தொடரின் இயக்குனர் அலெக்ஸ் ரோட்ரிகோ அளித்துள்ள பேட்டியில், எந்த தமிழ் நடிகருக்கு எந்த ரோல் பொருத்தமாக இருக்கும் என தெரிவித்துள்ளார்.

ப்ரோபஸர் ரோலுக்கு விஜய் பொருத்தமாக இருப்பார் என கூறியுள்ள அவர், அஜித் Bogota ரோலில் நடிக்கலாம் என தெரிவித்துள்ளார். மணி ஹெய்ஸ்ட் இயக்குனரே இதை கூறியிருப்பதால் விஜய்யின் ரசிகர்கள் சமூக வலைத்தளங்களில் கொண்டாடி வருகின்றனர்.

மாஸ்டர் படத்தில் விஜய் ப்ரோபஸராக தான் நடித்துள்ளார் என்பது குறிப்பிடத்தக்கது. அவரது ரோலிலும் money heist தாக்கம் இருக்குமா என்பது படம் வெளியானால் தான் தெரியவரும்.

மேலும் பேசிய அலெக்ஸ் ரோட்ரிகோ பாலிவுட் நடிகர் ஷாருக் கானுக்கு பெர்லின் ரோல் பொருத்தமாக இருக்கும் என தெரிவித்து உள்ளார். மேலும் சிங்கம் சூர்யா போலீஸ் கதாப்பாத்திரத்தில் நடிக்கலாம் என தெரிவித்துள்ளார் அவர்.

அது மட்டுமின்றி பாலிவுட் நடிகர் ஆயுஷ்மான் குரானாவும் ப்ரோபஸர் ரோலில் நடிக்க பொருத்தமாக இருப்பார் என அலெக்ஸ் ரோட்ரிகோ கூறியுள்ளார் என்பது குறிப்பிடத்தக்கது.