Pattas வந்துட்டான்யா மொரட்டுத் தமிழன் தனுஷ் கரெக்டா வந்துட்டான்யா

துரை செந்தில் குமார் இயக்கத்தில் தனுஷ் அப்பா, மகன் என்று இரண்டு வேடங்களில் நடித்துள்ள பட்டாஸ் படம் ஜனவரி மாதம் 16ம் தேதி ரிலீஸாக உள்ளது. சத்ய ஜோதி பிலிம்ஸ் தயாரித்துள்ள பட்டாஸ் படத்தில் வரும் சில்ப்ரோ பாடல் வெளியாகி பட்டிதொட்டி எல்லாம் கலக்கிக் கொண்டிருக்கிறது.

இந்நிலையில் இரண்டாவது சிங்கிளான மொரட்டுத் தமிழன்டா பாடலின் லிரிக்கல் வீடியோ டிசம்பர் 21ம் தேதி காலை 11. 30 மணிக்கு வெளியிடப்பட்டும் என்று அறிவித்தார்கள். அறிவித்தபடி சரியான நேரத்தில் பாடலை வெளியிட்டுள்ளார்கள்.

கருணை கர்வம் இரண்டு கலந்த மொரட்டுத் தமிழன்டா என்கிற அந்த பாடல் நன்றாக உள்ளது. விவேக், மெர்வின் இசை ரசிக்கும்படி உள்ளது. தமிழரின் புகழ் பாடும் இந்த பாடல் நிச்சயம் கொண்டாடப்படும்.



மொரட்டு தமிழன்டா லிரிக்கல் வீடியோவை பார்த்தவர்கள் கூறியிருப்பதாவது,

பாடல் வெறித்தனமாக இருக்கிறது. சரியான நேரத்திற்கு வந்த பட்டாஸ் பாடல். தனுஷ் மாஸாக இருக்கிறார். வேற லெவல் பாடல். படத்திற்காக மரண வெயிட்டிங். சினேகா இருக்காங்க, மெஹ்ரீன் எங்கய்யா என்று தெரிவித்துள்ளனர்.

தனுஷ் தான் லிரிக்கல் வீடியோவை வெளியிட்டார். கமெண்ட் பாக்ஸில் சொல்லி வைத்தது போன்று ரசிகர்கள் அனைவரும் தலைவா, தலைவா என்று கமெண்ட் போட்டுள்ளனர். தலைவா என்றால் அது ரஜினியாச்சே, தனுஷை எதற்காக தலைவா என்று அழைக்கிறீர்கள் என சிலர் கேள்வி எழுப்பியுள்ளனர்.