நயன்தாரா தன் வாழ்வில் மறக்க முடியாத முக்கியமான நாள் இன்று!

தற்போதைய தமிழ் சினிமாவின் மோஸ்ட் வான்டட் ஹீரோயின் என்றால் அது நயன்தாரா தான். அந்த அளவிற்கு தன் நடிப்பினால் உச்சம் தொட்டு கோலிவுட்டில் வலம் வருகிறார். லேடி சூப்பர் ஸ்டார் என்று அழைக்கப்படும் நயன்தாராவிற்கு முக்கியமான நாள் இன்று.

அவர் திரைத்துறையில் காலடி எடுத்து வைத்து இன்றுடன் 13 ஆண்டுகள் ஆகின்றன. மலையாள படமான “மனசினக்காரே” மூலம் அறிமுகமான நயன்தாரா தமிழில் முதன்முதலில் சரத்குமார் உடன் ஐயா படத்தில் நடித்தார். அதன் பின்னர் இரண்டாவது படத்திலேயே சூப்பர் ஸ்டார் ரஜினிகாந்துக்கு சந்திரமுகி படத்தில் ஜோடியானார். அதன் பின்னர் அவர் திரை வாழ்க்கை ஏறுமுகம் தான். அஜித், விஜய், விக்ரம், சூர்யா, சிம்பு, தனுஷ், ஆர்யா, விஷால், ஜீவா, ஜெயம் ரவி, விஜய் சேதுபதி தற்போது படப்பிடிப்பில் சிவகார்த்திகேயன் என்று எல்லா ஹீரோக்களுடனும் நடித்துவிட்டார்.

இதுமட்டுமல்லாமல் ஹீரோயின்களுக்கு முக்கியத்துவம் தரும் கதாப்பாத்திரங்களையும் தேர்ந்தெடுத்து நடித்து வருகிறார். மாயா படத்தை தொடர்ந்து, டோரா, அறம், கொலையுதிர்காலம் போன்ற படங்களிலும் நடிக்கிறார்.