மிஸ்டர் லோக்கல் தோல்விப்படம் தான்: சிவகார்த்திகேயன் பரபரப்பு!

இயக்குனர் எம் ராஜேஷ் இயக்கத்தில் வந்த மிஸ்டர் லோக்கல் படம் தோல்விப் படம் தான் என்று நடிகர் சிவகார்த்திகேயன் நெஞ்சமுண்டு நேர்மையுண்டு ஓடு ராஜா படத்தின் இசை மற்றும் டிரைலர் வெளியீட்டு விழாவில் பேசியுள்ளார்.

இயக்குனர் எம் ராஜேஷ் இயக்கத்தில் சிவகார்த்திகேயன் நடிப்பில் கோடை விடுமுறையை கடந்த மாதம் 17ம் தேதி வெளியான படம் மிஸ்டர் லோக்கல். இப்படத்தில் சிவகார்த்திகேயன் உடன் இணைந்து நயன்தாரா, ராதிகா சரத்குமார், சதீஷ், ரோபோ சங்கர், ஜான் விஜய், தம்பி ராமையா, யோகி பாபு ஆகியோர் பலர் நடித்திருந்தனர். எனினும், இப்படம் ரசிகர்களிடையே போதுமான வரவேற்பு பெறவில்லை. தியேட்டர்காரர்களும் முந்தைய சிவகார்த்திகேயன் படங்கள் போல் இந்தப்படத்திற்கு கூட்டமில்லை என தெரிவித்த்து வந்தனர்.

சூர்யாவிற்கும் ரகுலுக்கும் சம்பவம் நடந்ததா? இல்லையா? செல்வராகவன் சுவாரஸ்ய பதில்!

தம்பிக்காகவே இந்தப் படம்: அருவி இயக்குனருடன் இணைந்த சிவகார்த்திகேயன்!

கோடி கோடியா பணமா சம்பாதிக்கணும்: நெஞ்சமுண்டு நேர்மையுண்டு ஓடு ராஜா டிரைலர்!

தயாரிப்பு தரப்பு இந்தப்படம் லாபகரமான படம் என்றே அறிவித்திருந்தது. இந்நிலையில் இன்று நெஞ்சமுண்டு நேர்மையுண்டு ஓடு ராஜா பட இசை மற்றும் டிரைலர் வெளியீட்டு விழா நடந்தது. இதில், கலந்து கொண்ட சிவகார்த்திகேயன் மிஸ்டர் லோக்கல் தோல்விப்படமே என்று பேசி பரபரப்பை கிளப்பினார்.


சிவகார்த்திகேயன் பிளாக் ஷீப் டீம் இயக்கத்தில் தொலைக்காட்சி தொகுப்பாளர் ரியோ கதாநாயகான நடிக்கும் நெஞ்சமுண்டு நேர்மையுண்டு படத்தின் இசை வெளியீடு பிரபல திரையரங்கில் நடைபெற்றது.விழாவில் சிவகார்த்திகேயன் உட்பட படக்குழுவினர் அனைவரும் கலந்து கொண்டனர்.

விழாவில் சிவகார்த்திக்கேயன் பேசியதாவது: என் கடைசிப் படம் சரியாக போகவில்லை. அது தோல்விப்படம தான் ரசிகர்களுக்கு பிடிக்கவில்லை. வெற்றி வரும் போது ஒரு அணியாக நிற்பது போல் தெரியும். ஆனால் தோல்வி வரும்போது தனியாக நிற்பது தெரிகிறது. இது எல்லாமே கேம் மாதிரி தான் ஒரு போட்டியில் தோற்றுவிட்டால் போட்டி தான் முடியும். வாழ்க்கை முடிந்து விடாது. அப்படித்தான் நான் நம்புகிறேன். இந்தப் படம் ரசிகர்களுக்கு பிடிக்கவில்லை. என் அடுத்தடுத்த படங்கள் எல்லோருக்கும் பிடிக்கும் படியும், என் ரசிகர்கள் ரசிக்கும் படியும் இருக்கும்.

அந்த மாதிரி கதைகளையே தேர்ந்தெடுத்து நடித்து வருகிறேன். இனி வரும் படங்கள் எல்லோருக்கும் லாபம் தரும் படமாக இருக்கும். மிஸ்டர் லோக்கல் தயாரிப்பாளருக்கு நல்ல லாபம் தந்த படம் தான். அதைப்பற்றி பேச வேண்டாம். இனிவரும் படங்கள எல்லோருக்கும் லாபம் தரக்கூடிய படங்களாக இருக்கும். நடிகனாக நான் ஆசைப்படுவது முதல் நாள் என் முகத்தை பார்க்க ஆசைப்பட்டு வரும் ரசிகனுக்கு, மக்களுக்கு என் படங்கள் பிடிக்க வேண்டும், பிடிக்கும் என்று பேசினார்.