Mrs.தோனியை சந்தித்த Mrs.தனுஷ் - கலகலப்பான மீட்டிங் எங்கு, எப்படி நடந்தது தெரியுமா!

இயக்குநரும், நடிகர் தனுஷின் மனைவியுமான ஐஸ்வர்யா தனுஷ், சமீபத்தில் மகேந்திர சிங் தோனியின் மனைவி சாக்‌ஷி சிங் தோனியை சந்தித்துள்ளார். கடந்த 23ஆம் தேதி, ஐபிஎல் 2019 தொடரின் சென்னை மற்றும் ஐதராபாத் அணிகளுக்கு இடையிலான போட்டி நடைபெற்றது.

அப்போது ஐஸ்வர்யாவும், சாக்‌ஷியும் சந்தித்து பேசியுள்ளனர். இதுதொடர்பான புகைப்படத்தை ஐஸ்வர்யா தனுஷ் தனது இன்ஸ்டாகிராம் பக்கத்தில் பகிர்ந்துள்ளார். அதில், ”மிஸ் டி அவர்கள் மிஸ் டியை சந்தித்தார்” என்று அடைமொழியுடன் குறிப்பிட்டுள்ளார்.

சென்னை அணி விளையாடும் போட்டிகளில் ரஜினி, தனுஷ், ஐஸ்வர்யா ஆகியோர் அடிக்கடி நேரில் சென்று கண்டு ரசிப்பது வழக்கம். நடப்பாண்டு ஐபிஎல் தொடரின் சென்னை எம்.ஏ சிதம்பரம் மைதானத்தில் நடந்த முதல் ஆட்டத்தில் ரஜினி சென்றிருந்தது குறிப்பிடத்தக்கது.

இதேபோல் சென்னை அணியின் மற்றொரு ஆட்டத்தை ஐஸ்வர்யா தனது மகன்களான யாத்ரா மற்றும் லிங்கா உடன் கண்டு ரசித்தார். தற்போது சாக்‌ஷியுடன் நட்பாக பழகியிருப்பதன் மூலம் விரைவில் தனுஷ், தோனி இருவரையும் ஒன்றாக காணலாம் என்று எதிர்பார்க்கப்படுகிறது.

பாராலிம்பிக்ஸில் தங்க பதக்கம் வென்ற மாரியப்பன் தங்கவேலுவின் வாழ்க்கை வரலாற்றை திரைப்படமாக்கும் முயற்சியில் ஐஸ்வர்யா ஈடுபட்டுள்ளார். இதற்கு மாரியப்பன் என்று பெயரிடப்பட்டுள்ளது. ஆனால் அறிவிப்பு வெளியாகி ஓராண்டிற்கும் மேலாகிவிட்டது குறிப்பிடத்தக்கது.