மகள் கொடுத்த பரிசு; ஆச்சர்யப்பட்ட எம்.எஸ்.பாஸ்கர் - வைரலாகும் வீடியோ

தமிழ் சினிமாவில் காமெடி, குணச்சித்திர வேடங்களில் நடித்து வரும் எம்.எஸ் பாஸ்கருக்கு அவரது மகள் கொடுத்த பரிசால் அசந்து போயுள்ளார்.

படங்களில் நடிப்பதோடு மட்டுமில்லாமல், பல்வேறு படங்களுக்கு டப்பிங் பேசி வருகிறார். குறிப்பாக ஹாலிவுட் படங்களுக்கு குரல் கொடுத்துள்ளார். அவரது மகள் ஐஸ்வர்யா பாஸ்கரும் டப்பிங் பணியை செய்து வருகிறார்.

எம்.எஸ் பாஸ்கருக்கு புத்தாண்டு பரிசாக அவரது மகள் கொடுத்த பரிசு சமூக வலைத்தளங்களில் வைரலாகி வருகிறது.

பெசண்ட் நகர் பீச்சில் கண்ணை கட்டியவாறு எம்.எஸ் பாஸ்கரை அழைத்து சென்ற அவரது மகள், புதிதாக வாங்கிய ராயல் என்பீல்டு பைக் முன் கொண்டு சென்று நிறுத்தி, சர்ப்ரைஸ் பரிசு அளித்தார்.

இதைப் பார்த்து மகிழ்ச்சியில் தன் மகளை கட்டியணைத்து முத்தம் கொடுத்து ஒரு பைக்கில் ஒரு ரவுண்டு போனார் பாஸ்கர்.



இந்த வீடியோவை பார்த்த பார்வையாளர்கள் எம்.எஸ் பாஸ்கருக்கும் அவரது மகளுக்கும் வாழ்த்துக்கள் தெரிவித்து வருகின்றனர்.