மு.களஞ்சியம் இயக்கத்தில் உருவாகும் ‘முந்திரிக்காடு’!

இயக்குனர் மு.களஞ்சியம் இயக்கத்தில் தற்போது உருவாகி வரும் படம் ‘முந்திரிக்காடு’.

‘பூமணி’, ‘கிழக்கும் மேற்கும்’, ‘மிட்டாமிராசு’ ஆகிய வெற்றிப் படங்களை இயக்கியவர் மு.களஞ்சியம். ‘கருங்காலி’ படத்தை இயக்கி அதில் முக்கிய வேடத்தில் நடித்துள்ளார் மு.களஞ்சியம். கடந்த ஆண்டு வெளியான ‘களவுதொழிற்சாலை’ படத்திலும் போலீஸ் அதிகாரியாக நடித்திருந்தார். தற்போது ‘முந்திரிக்காடு’ என்ற படத்தை இயக்கி வருகிறார்.

இந்தப் படம் பற்றி மு.களஞ்சியம் கூறுகையில், ‘‘முந்திரிக்காடு வைத்திருக்கும் மக்களின் வாழ்க்கை யதார்த்தத்தை பிரதிபலிக்கும் கதை. விலை உயர்ந்த பொருளாக மாறிப்போனது முந்திரி. அதனை விளைவிக்க உழைக்கும் ஏழைகளின் வலியும் வேதனையும் எப்படிபட்டது என்பதை யதார்த்தமாக இப்படம் சொல்கிறது.

இந்தப் படத்தில் ஹீரோவாக புகழ் அறிமுகமாகிறார். இவருக்கு ஜோடியாக சுபபிரியா நடிக்கிறார். மேலும் படத்தில் சீமான், ஜெயராவ், சோமு, சக்திவேல் உட்பட பலர் நடித்து வருகின்றனர். இந்தப் படத்துக்கு ஏ.கே.பிரியன் இசையமைக்கிறார். இப்படத்தின் பர்ஸ்ட் லுக் போஸ்டரை இசையமைப்பாளர் ஹாரிஸ் ஜெயராஜ் சமீபத்தில் வெளியிட்டார். படம் விரைவில் வெளியாகவுள்ளது’’ என்றார் இயக்குனர் மு.களஞ்சியம்.