தமிழ் திரையுலகின் பிரபல இசையமைப்பாளர் ஆதித்யன் திடீர் மரணம்!

ஐதராபாத்: பிரபல தமிழ் இசையமைப்பாளராக விளங்கிய ஆதித்யன் திடீர் மரணமடைந்துள்ளார்.

1990களில் தென்னிந்தியாவின் பிரபல இசையமைப்பாளராக விளங்கியவர் ஆதித்யன்(63). இவர் தமிழ், தெலுங்கு, மலையாள மொழிகளில் ஏராளமான படங்களுக்கு இசையமைத்துள்ளார்.

தமிழில் அமரன், சீவலப்பேரி பாண்டி, லக்கி மேன், மாமன் மகள், கோவில்பட்டி வீரலட்சுமி உள்ளிட்ட படங்கள் குறிப்பிடத்தக்கவை. இவர் பாடகராகவும் திகழ்ந்தார்.

நம் நாட்டிலும், மலேசியாவிலும் தமிழ் பாப் மற்றும் ரீ-மிக்ஸ் ஆல்பங்களை உருவாக்கியுள்ளார்.

ஜெயா தொலைக்காட்சியில் ‘ஆதித்யன்ஸ் கிச்சன்’ என்ற பெயரில் 8 ஆண்டுகள் சமையல் நிகழ்ச்சி நடத்தி வந்தார்.

ஐதராபாத்தில் வசித்து வந்த அவர், உடல்நலக்குறைவு காரணமாக திடீரென காலமானார். இவர் இசையமைப்பாளர் டி.இமானின் குரு என்பது குறிப்பிடத்தக்கது.

Music director Adithyan passed away.