முதன் முறையாக குடும்பப் புகைப்படத்தை வெளியிட்ட ஏ.ஆர். ரஹ்மான்!

பிரபல இசையமைப்பாளர் ஏ.ஆர். ரஹ்மான், முதன் முறையாக தன்னுடைய குடும்ப புகைப்படத்தை இணையத்தில் வெளியிட்டுள்ளார்.

கோலிவுட், பாலிவுட், ஹாலிவுட், டோலிவுட் என பல மொழி சினிமாக்களையும் இதன் இசையால் கட்டிப்போட்டவர் பிரபல இசையமைப்பாளர் ஏ.ஆர்.ரஹ்மான். இவருக்கு இசைக்காக ஆஸ்கார் விருது கிடைத்துள்ளது.

இந்நிலையில் தற்போது இசையமைப்பாளர் ஏ.ஆர். ரஹ்மான், அட்லி இயக்கத்தில் விஜய் நடிப்பில் உருவாகிவரும் புதிய படத்திற்கு இசையமைத்து வருகிறார். புதிய படத்தின் பாடல்கள் விரைவில் வெளியாகவுள்ளது.

அண்மையில் ஏ.ஆர். ரஹ்மானின் ஆஸ்கர் விருது தினத்தை மும்பையில் ஒரு நிகழ்ச்சி மூலம் கொண்டாடப்பட்டது. அதில் ரஹ்மானின் மகள் கலந்துகொண்டு தனது அப்பா பற்றி நெகிழ்ந்து பேசினார். ஆனால் ஒரு சர்ச்சையும் ஆனது. முகத்தை முழுவதும் மூடியபடி அவர் நிகழ்ச்சிக்கு வந்தது பிரச்சனை ஆனது. இந்த நேரத்தில் ஏ.ஆர். ரஹ்மான் முதன்முதலாக தனது இரண்டு மகள்கள் மற்றும் மனைவி இருக்கும் குடும்பப் புகைப்படத்தை வெளியிட்டுள்ளார்.