ஜிவி பிரகாஷுடன் படத்தில் இருப்பது யார்னு பாருங்க!

இசையமைப்பாளரும், நடிகருமான ஜி.வி.பிரகாஷ்குமார் தனது ட்விட்டர் பக்கத்தில் புகைப்படம் ஒன்றை வெளியிட்டுள்ளார். அதில் அவருடன் ராஜபாளையம் நாய் ஒன்றும் உள்ளது. இந்திய வகை நாய் ஒன்றுடன் புகைப்படம் எடுத்து மகிழ்ச்சி என பதிவிட்டுள்ளார் ஜி.வி.

ஜி.வி.பிரகாஷ் தனது ட்விட்டரில் வெளியிட்டுள்ள புகைப்படம் இதோ


தலைவா அப்டேட்

இந்திய வகை நாயான ராஜபாளையம் நாய் வளர்க்கும் ஜி.வி.பிரகாஷ், தமிழ் பற்று மிக்கவர். ஏற்கனவே பல பிரச்சனைகளில் குரல் கொடுத்துள்ளார். சினிமாவில் கதாநாயகனாக பல படங்களில் நடித்திருந்தாலும், ஒரு சில படங்கள் தான் நல்ல வரவேற்பை பெற்றுள்ளன. ஆனால் இசையில் அவர் தாறுமாறு. சமீபத்தில் வெளியான அசுரன், சூரரைப் போற்று பாடல்களில் அனைவரது மனதையும் கவர்ந்துவிட்டார். தற்போது தனுஷ் படத்துக்கு இசை அமைக்க ஒப்பந்தமாகியுள்ளார். அடுத்து விஜய் படத்துக்கும் இசையமைப்பார் என கூறப்படுகிறது. இந்நிலையில் தான், ஜிவி பிரகாஷ் இந்த புகைப்படத்தை வெளியிட்டதும் சூர்யா, தனுஷ், விஜய் ரசிகர்கள் அவரது ட்வீட்டை கமெண்டுகளால் நிரப்பி வருகின்றனர்.

சூரரைப் போற்று 3வது பாடல்

சில தினங்களுக்கு முன்னர் ஜி.வி.பிரகாஷ் இட்ட ட்வீட்டை பதிவிட்டு இந்த சூர்யா ரசிகர் சூரரைப் போற்று படத்தின் அப்டேட் கேட்டுள்ளார்.


ப்ரோ.. இது மார்ச்.. அப்டேட் ப்ளீஸ் என்று கேட்டுள்ளார் இவர்.

தனுஷ் 43

தனுஷ் 43 படத்துக்கு ஜி.வி.பிரகாஷ்தான் இசை. முன்னதாக அசுரன் படத்துக்கும் இசையமைத்திருந்தார். எனவே இந்த படத்தின் இசையும் தெறிக்கணும் என்று கமெண்ட் செய்துள்ளார் இந்த தனுஷ் ரசிகர்



விஜய் படத்துக்கு இசை


விஜய் படத்துக்கு இசையமைப்பதை விட்டுவிட்டு இப்படிட்வீட் செய்து வருகிறீர்களே என்று செல்லமாக கோபித்துக் கொண்டுள்ளார் இந்த விஜய் ரசிகர்.

இன்னும் பலர் இந்த ட்வீட்டில் கமெண்ட் செய்து வருகின்றனர்.