மாற்றுத் திறனாளியை தன் படத்தில் பாட வைத்த ஜி.வி.பிரகாஷ்!

மாற்றுத் திறனாளியான ஜோதியை தன் ‘அடங்காதே’ படத்தில் பாட வைத்துள்ளார் இசையமைபாளரும், நடிகருமான ஜி.வி. பிரகாஷ்.

ஜி.வி. பிரகாஷ் முதலில் இசையமைப்பாளராக தன்னுடைய சினிமா பணியை தொடங்கினார். அதன் பிறகுதான் சினிமாவில் நடிக்க ஆரம்பித்தார். தற்போது இவர் சினிமாவையும், இசையையும் சேர்த்து கவனித்து வருகிறார். இவர் நடிக்கும் படங்களில் இவரே இசையமைப்பாளராகவும் பணியாற்றி வருகிறார்.

இந்நிலையில் ஜி.வி. பிரகாஷ் தற்போது ‘அடங்காதே’ என்ற படத்தில் நடித்து வருகிறார். இந்தப் படத்திற்கு இசையமைப்பாளரும் இவரே. இந்தப் படத்தில் மாற்றுத் திறனாளியான ஜோதி என்பவரை ஒரு பாடல் பாடவைத்துள்ளார். அந்த பாடல் தற்போது சமூக வலைதளத்தில் வெளியாகியுள்ளது.

ஜோதி, சில மாதங்களுக்கு முன் விஜய் சேதுபதி நடிப்பில் வெளியான ‘றெக்க’ படத்தில் ‘கண்ணம்மா கண்ணம்மா’ என்ற பாடலை பாடியிருந்தார். இந்தப் பாடல் மிகப்பெரிய ஹிட்டானது. இந்தப் பாட்டைப் பார்த்த ஜி.வி. பிரகாஷ், ‘அடங்காதே’ படத்தில் ஜோதியை பாடவைத்துள்ளார். மாற்றுத் திறனாளி ஜோதி, ஒரு அனுபவம் மிகுந்த சிறந்த பாடகியை போல ‘அடங்காதே’ படத்தில் பாடியிருக்கிறார்.