'அந்தாதூன்' தமிழ் ரீமேக்கில் இணைந்த சந்தோஷ் நாராயணன்!

கடந்த 2018-இல் இந்தியில் வெளியான 'அந்தாதூன்' திரைப்படம் மிகப்பெரிய வெற்றியடைந்ததுடன் மூன்று தேசிய விருதையும் வென்றது. இதில் ஆயுஷ்மான் குரானா முதன்மையான பாத்திரத்தில் நடிக்க அவருடன் தபு, ராதிகா ஆப்தே உள்ளிட்ட பலர் நடித்தனர். ஸ்ரீராம் ராகவன் இப்படத்தை இயக்கியிருந்தார்.

இப்படத்தை தமிழில் ரீமேக் செய்ய பல்வேறு போட்டிகள் நடைபெற்ற கூறப்பட, அதற்கு மத்தியில் பிரசாந்த் நடிக்க முடிவானது. பிரசாந்த் கடைசியாக தமிழில் 2018-இல் வெளியான ஜானி படத்தில் நடித்தார். அதன் பிறகு ராம்சரண் தேஜா நடித்த தெலுங்கு படம் ஒன்றில் அவர் நடித்திருந்தார்.

'அந்தாதூன்' தமிழ் ரீமேக்குக்கு மிகுந்த எதிர்பார்ப்பு உள்ள நேரத்தில் சரியாக அதில் நடிக்க தயாராகியிருக்கிறார் பிரசாந்த். ஜோதிகா நடிப்பில் வெளியான ‘பொன்மகள் வந்தாள்’ படத்தை இயக்கிய ஜேஜே பிரட்ரிக் இயக்கும் இதில் மற்றொரு முக்கிய பாத்திரத்தில் சிம்ரன் நடிக்கிறார். ஜோடி, தமிழ் ஆகிய படங்களுக்கு பிறகு பல ஆண்டுகளை கடந்து இதில் பிரசாந்த் - சிம்ரன் ஒன்றாக நடிக்கின்றனர்.

கைலாசாவுக்கு இலவச விசா கொடுக்கும் நித்தி: உஷார் மக்களே!

இளையராஜா இப்படத்திற்கு இசையமைப்பதாக பரவலாக கூறப்பட்டது. ஆனால் இப்போது சந்தோஷ் நாராயணன் இசையமைப்பாளராக ஒப்பந்தமாகியுள்ளார் என தெரிவிக்கப்பட்டிருக்கிறது.