#MNMN : இயக்குநராக அறிமுகமாகும் இசையமைப்பாளர் தர்புகா சிவா!

தமிழ் சினிமாவில் தற்போது முன்னணி இசையமைப்பாளர்களில் ஒருவராக வலம் வருபவர் இசையமைப்பாளர் தர்புகா சிவா. இவர் கௌதம் மேனன் இயக்கத்தில் தனுஷ் மற்றும் மேகா ஆகாஷ் ஜோடி சேர்ந்து நடித்துள்ள ‘எனை நோக்கி பாயும் தோட்டா’ திரைப்படத்திற்கு இசையமைத்திருக்கிறார்.

இதற்கு முன்பாக சசிக்குமார் நடிப்பில் வெளியான ‘கிடாரி’, ‘பலே வெள்ளைய தேவா’ ஆகிய திரைப்படங்களுக்கு தர்புகா சிவா இசையமைத்துள்ளார். இந்நிலையில், இசையமைப்பாளர் தர்புகா சிவா தற்போது இயக்குனராக அவதாரம் எடுத்துள்ளார்.

இந்தப் படத்தை சூப்பர் டாக்கீஸ் சார்பில் சமீர் பரத் ராம் மற்றும் தீபா ஐயர் ஆகியோர் இணைந்து தயாரிக்கின்றனர். இப்படத்தின் படப்பிடிப்பு தற்போது வேகமாக நடைபெற்று வருகிறது. மேலும் இந்தப் படத்தின் டைட்டில் மற்றும் கூடுதல் தகவல் விரைவில் வெளியாகும் என்று எதிர்ப்பார்க்கப்படுகிறது.