மலையாளத்தில் ஹீரோயினான 96 பட நடிகை ஜானு!

96’ படத்தில் பள்ளி பருவ குட்டி ஜானு தற்போது ஒரு மலையாள படத்தில் கதாநாயகியாக நடித்து வருகிறார்.

விஜய் சேதுபதி, த்ரிஷா நடிப்பில் கடந்த ஆண்டு செப்டம்பர் மாதம் தமிழில் வெளியாகி வெற்றி பெற்ற படம் ‘96’. இந்தப் படத்தில் பள்ளிப் பருவத்தில் ஜானு என்ற கேரக்டரில் நடித்தவர் கௌரி கிஷன். தற்போது இவர் ஒருமலையாள படத்தில் கதாநாயகியாக நடித்து வருகிறார்.

கடந்த ஆண்டு வெளியான ‘96’ படம் விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. காதலுக்கு முக்கியத்துவம் கொடுத்து உருவாக்கப்பட்ட இந்தப் படம் வெற்றியடைந்ததற்கு முக்கியக் காரணங்களில் ஒன்று, சிறுவயது ராம் மற்றும் ஜானுவாக நடித்த ஆதித்யா மற்றும் கௌரி கிஷனின் நடிப்பும் ஆகும்.

அதையடுத்து படத்தில் சிறுவயது ஜானுவாக நடித்த கௌரி இப்போது மலையாளப் படமொன்றில் கதாநாயகியாக நடிக்க ஒப்பந்தமாகியுள்ளார். இந்தப் படத்தைஅறிமுக இயக்குநர் பிரின்ஸ் ஜாய் இயக்கி வருகிறார்.கௌரி கிஷன், சன்னி வேயின் என்றப் புதுமுக நடிகருக்கு ஜோடியாக நடிக்கிறார்.

இந்தப் புதிய படத்திற்கு ‘அனுகிரஹித்தன் அந்தோனிஎனப் பெயரிடப்பட்டுள்ளது. தற்போது இந்தப் படத்தின் படப்பிடிப்பு கேரளாவில் நடைபெற்று வருகிறது. இந்தப் படத்தில் கௌரி கிஷன் கலந்து கொண்டு நடித்து வருகிறார்.

இப்படத்தின் படப்பிடிப்பின் போது எடுக்கப்பட்ட எடுக்கப்பட்ட புகைப்படத்தினை தனது டிவிட்டரில் பகிர்ந்துள்ளார் நடிகை கௌரி கிஷன்.