மிஷ்கினின் ‘பிசாசு 2’ படத்தின் லேட்டஸ்ட் அப்டேட்!

சைக்கோ படத்தின் வெற்றிக்கு பிறகு விஷால் நடிப்பில் துப்பறிவாளன் 2 படத்தை இயக்கும் வேளைகளில் இறங்கினார் மிஷ்கின்.அப்போது நடிகர் விஷாலுடன் ஏற்பட்ட மன கசப்பு காரணமாக படத்திலிருந்து விலகினார். இதனை தொடர்ந்து தற்போது ஆண்ட்ரியா நடிப்பில் 'பிசாசு 2' படத்தை இயக்குகி வருகிறார். இந்நிலையில் இந்தப்படத்தின்லேட்டஸ்ட் அப்டேட்டை படக்குழுவினர் வெளியிட்டுள்ளனர்.

மிஷ்கின் இயக்கத்தில் வெளியான பிசாசு படம் ரசிகர்களிடம் நல்ல வரவேற்பை பெற்றது. இதனை தொடர்ந்து தற்போது பிசாசு 2 படத்தை இயக்கும் வேளைகளில் இறங்கினார் மிஷ்கின். ஆண்ட்ரியாவை பிரதானமாக கொண்டு இந்த படத்தின் திரைகதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். இந்த படத்தை ராக்போர்ட் எண்டர்டையின்மெண்ட் நிறுவனம் தயாரிக்கிறது. கார்த்திக் ராஜா இசையமைக்கிறார்.

இந்நிலையில் பிசாசு 2 படத்தின் பர்ஸ்ட் லுக் போஸ்டர் அண்மையில் வெளியானது. இந்தபோஸ்டரில் குளியல் தொட்டியில் ரத்தம் படிந்த கால்களோடு ஆண்ட்ரியா முகம் தெரியாமல் தலைகீழாக கவிழ்ந்து படுத்து கொண்டு கையில் சிகரெட்டை பிடித்திருக்கிறார். இந்த போஸ்டர் இணையத்தில் படு வேகமாக வைரலாகியது. மேலும் போஸ்டரில் இந்தஆண்டு இறுதிக்குள் பிசாசு 2 படம் வெளியாகும் என்றும் குறிப்பிட்டிருந்தனர் படக்குழுவினர்.

அட, நம்ம ராஷ்மிகாவா இது?: ‘புஷ்பா’ பட போஸ்டரை பார்த்து ஷாக்கான ரசிகர்கள்!
இந்த நிலையில், படத்தின் முதல் பாடல் வெளியீடு குறித்த அறிவிப்பை படக்குழு இன்று வெளியிட்டுள்ளது. காந்தி ஜெயந்தி தினத்தை முன்னிட்டு 'உச்சந்தல ரேகையிலே...' என்று துவங்கும் பாடல் வரும் அக்டோபர் 2ஆம் தேதி வெளியாகவுள்ளது. இந்தப்படத்திற்கு கார்த்திக் ராஜா இசையமைப்பது குறிப்பிடத்தக்கது.


'பிசாசு 2' படத்தில் அண்மையில் தமன்னா நடிப்பில் வெளியான ‘நவம்பர் ஸ்டோரி’ படத்தில் முக்கிய கதாபாத்திரத்தில் நடித்த நமீதா கிருஷ்ணமூர்த்தியும் முக்கிய கதாபாத்திரத்தில் நடித்துள்ளார். மேலும் நடிகர் விஜய் சேதுபதியும் ‘பிசாசு 2’ படத்தில் கேமியோ ரோலில் நடித்துள்ளார். இந்தப்படத்தின் படப்பிடிப்பு அண்மையில் நிறைவடைந்தது குறிப்பிடத்தக்கது.