'பிசாசு 2' படப்பிடிப்பை விரைந்து முடிக்க மிஷ்கின் திட்டம்: விரைவில் இறுதிக்கட்ட பணிகள் துவக்கம்!

சைக்கோ படத்தின் வெற்றிக்கு பிறகு விஷால் நடிப்பில் துப்பறிவாளன் 2 படத்தை இயக்கும் வேளைகளில் இறங்கினார் மிஷ்கின். அப்போது நடிகர் விஷாலுடன் ஏற்பட்ட மன கசப்பு காரணமாக படத்திலிருந்து விலகினார். இதனை தொடர்ந்து தற்போது ஆண்ட்ரியா நடிப்பில் 'பிசாசு 2' படத்தை இயக்குகி வருகிறார். இந்நிலையில் இந்த படத்தின் இறுதிக்கட்ட படப்பிடிப்பு பணிகள் தற்போது தீவிரமாக நடைபெற்று வருகிறது.

மிஷ்கின் இயக்கத்தில் வெளியான பிசாசு படம் ரசிகர்களிடம் நல்ல வரவேற்பை பெற்றது. இதனை தொடர்ந்து தற்போது பிசாசு 2 படத்தை இயக்கி வருகிறார் மிஷ்கின். ஆண்ட்ரியாவை பிரதானமாக கொண்டு இந்த படத்தின் திரைகதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். இந்த படத்தை ராக்போர்ட் எண்டர்டையின்மெண்ட் நிறுவனம் தயாரிக்கிறது. கார்த்திக் ராஜா இசையமைக்கிறார்.

இந்நிலையில் பிசாசு 2 படத்தின் பர்ஸ்ட் லுக் போஸ்டர் அண்மையில் வெளியானது. இந்தபோஸ்டரில் குளியல் தொட்டியில் ரத்தம் படிந்த கால்களோடு ஆண்ட்ரியா முகம் தெரியாமல் தலைகீழாக கவிழ்ந்து படுத்து கொண்டு கையில் சிகரெட்டை பிடித்திருக்கிறார். இந்த போஸ்டர் இணையத்தில் படு வேகமாக வைரலாகியது. மேலும் போஸ்டரில் இந்த ஆண்டு இறுதிக்குள் பிசாசு 2 படம் வெளியாகும் என்றும் குறிப்பிட்டுள்ளனர் படக்குழுவினர்.

'கே.ஜி.எஃப் 2' படத்தினை பெரும் தொகைக்கு கேட்ட பிரபல ஓடிடி தளம்: உறுதியாக மறுத்த படக்குழுவினர்!
கொரோனா ஊரடங்கு காரணமாக பாதியிலே நிறுத்தி வைக்கப்பட்ட பிசாசு 2 படத்தின் படப்பிடிப்பு அண்மையில் திண்டுக்கலில் உள்ள மீனாட்சிநாயக்கம்பட்டி மீண்டும் துவங்கியது. த்ரில்லர் ஜானரில் உருவாகிவரும் இந்த படத்தின் இறுதிக்கட்ட படப்பிடிப்பு தற்போது பரபரப்பாக நடைபெற்று வருகிறது. வரும் 18-ம் தேதிக்குள் படப்பிடிப்பை முடிப்பதற்கும், அதனை தொடர்ந்து போஸ்ட் புரோடெக்ஷன் பணிகளை விரைவாக முடிக்கவும் திட்டமிட்டுள்ளனர் படக்குழுவினர்.

பிசாசு 2 படத்தில் அண்மையில் தமன்னா நடிப்பில் வெளியான நவம்பர் சஸ்டோரி படத்தில் முக்கிய கதாபாத்திரத்தில் நடித்த நமீதா கிருஷ்ணமூர்த்தி இணைந்துள்ளார். மேலும் இந்த படத்தில் விஜய் சேதுபதி பேய் ஓட்டுபவர் ரோலில் நடிக்க உள்ளதாகவும் செய்திகள் வெளியாகின. மேலும் பிசாசு 2 படம் நிச்சயம் ஓடிடியில் தான் வெளியாகும் என சினிமா வட்டராங்கள் தெரிவிக்கின்றன.