நாச்சியாருக்கு சாதகமான சினிமா ஸ்டிரைக் - அள்ளுது வசூல் வேட்டை!

நடிந்து வரும் சினிமா ஸ்டிரைக்கால் ஜோதிகா நடிப்பில் வெளியான ‘நாச்சியார்’ படம் மீண்டும் வசூலில் களைகட்டி வருவதாக கூறப்படுகிறது.

பாலா இயக்கத்தில் ஜோதிகா, ஜி வி பிரகாஷ் நடிப்பில் கடந்த பிப்ரவரி மாதம் வெளியான படம் ‘நாச்சியார்’. மக்களிடையே இந்தப் படத்துக்காக நல்ல வரவேற்பு கிடைத்தது. ஜோதிகா, ஜி வி. பிரகாஷ் நடிப்பை ரசிகர்கள் பாராட்டி வந்தனர்..

இந்நிலையில் தமிழ் சினிமா ஸ்ட்ரைக்கால் ‘நாச்சியார்’ படத்துக்கு பிறகு எந்த புதிய படங்களும் வெளியாகவில்லை. இதனால் ‘நாச்சியார்’ படத்துக்கு யோகம் அடித்தது. வேறு படங்கள் இல்லாததால் தியேட்டர்காரர்கள் ‘நாச்சியார்’ படத்தையே மீண்டும் திரையிட்டனர். இதன் காரணமாக இன்று 50வது நாளை தொட்டுவிட்டது ‘நாச்சியார்’. சென்னையில் மட்டும் முக்கியமான மால் தியேட்டர்களில் ஒரு சில காட்சிகளாக 50வது கடந்து ஓடிக் கொண்டிருக்கிறது ‘நாச்சியார்’.படம்.