பிப்ரவரி 16ல் வெளியாகும் ‘நாச்சியார்‘!

பாலா இயக்கத்தில் உருவான ‘நாச்சியார்’ பிப்ரவரி 16ம் தேதி வெளியாகவுள்ளதாக தெரிகிறது.

பாலா இயக்கத்தில் ஜோதிகா, ஜி.வி.பிரகாஷ் நடிப்பில் உருவான படம் ‘நாச்சியார்’. தற்போது இந்தப் படத்தின் படப்பிடிப்பு முடிந்து போஸ்ட் புரடெக்ஷன் பணிகளும் நடந்து முடிந்துவிட்டது. இந்தப் படத்திற்கு சென்சார் குழுவினர் யு/ஏ சான்றிதழ் வழங்கியுள்ளனர்.

இந்த நிலையில் கடந்த சில நாட்களுக்கு முன்னர் இந்த படம் பிப்ரவரி 9ஆம் தேதி ரிலீஸ் ஆகும் என்று அறிவிக்கப்பட்ட நிலையில் தற்போது இந்த படம் பிப்ரவரி 16ஆம் தேதி ரிலீஸ் ஆகும் என்று அறிவிக்கப்பட்டுள்ளது. மேலும் ரிலீஸ் தேதியுடன் கூடிய புதிய போஸ்டர் ஒன்றும் டுவிட்டரில் வெளியாகியுள்ளது. இந்தப் படத்திற்கு இசைஞானி இளையராஜா இசையமைத்துள்ளார்.

இந்த படத்தில் ஜோதிகா, ஜிவி பிரகாஷ், ராக்லைன் வெங்கடேஷ் உள்பட பலர் நடிதுள்ளனர். இந்த படத்தை பாலாவின் ‘பி’ ஸ்டுடியோஸ் நிறுவனம் தயாரித்துள்ளது.