நானே வருவேன்
செல்வராகவன் இயக்கத்தில் தனுஷ் இரண்டு மாறுபட்ட கதாபாத்திரங்களில் நடித்த நானே வருவேன் படம் இன்று தியேட்டர்களில் ரிலீஸாகியிருக்கிறது. படம் பார்த்த அனைவரும் தனுஷின் நடிப்பையும், யுவன் ஷங்கர் ராஜாவின் பி.ஜி.எம்.மையும் பாராட்டிக் கொண்டிருக்கிறார்கள். தனுஷுக்கு ஒரு ஹிட் பார்சல் என்கிறார்கள் ரசிகர்கள்.
அதிகாலை காட்சி
நானே வருவேன் படத்திற்கு அதிகாலை 4 மணி காட்சிகள் வைக்கவில்லை. தனுஷுக்கு இப்படி நடப்பது இது மூன்றாவது முறை ஆகும். கர்ணன், திருச்சிற்றம்பலம் ஆகிய படங்களுக்கும் அதிகாலை காட்சி வைக்கவில்லை. கடந்த 2020ம் ஆண்டு வெளியான பட்டாஸுக்கு தான் அதிகாலை காட்சிக்கு ஏற்பாடு செய்யப்பட்டது.
8 மணி
நானே வருவேன் படத்தின் முதல்நாள் முதல் காட்சி காலை 8 மணிக்கு தான் துவங்கியது . மணிரத்னம் இயக்கியிருக்கும் பொன்னியின் செல்வன் படம் நாளை ரிலீஸாவதால் நானே வருவேன் படத்தின் வசூல் பாதிக்கப்படும் என்று பேச்சு கிளம்பியிருக்கிறது. இது எல்லாம் தெரிந்தும் தங்கள் கதை மீது நம்பிக்கை வைத்து நானே வருவேன் படத்தை இன்று ரிலீஸ் செய்திருக்கிறார்கள்.
ஹவுஸ்ஃபுல்
பொன்னியின் செல்வன் படம் ரிலீஸாவதற்கு முன்பே தமிழகத்தில் இருக்கும் பெரும்பாலான தியேட்டர்களில் முதல் 5 நாட்களுக்கான டிக்கெட்டுகள் விற்றுத் தீர்ந்துவிட்டது. மேலும் நானே வருவேனை போன்று இல்லாமல் பொன்னியின் செல்வன் படத்திற்கு அதிகாலை காட்சிகள் உண்டு என்பது குறிப்பிடத்தக்கது.