சமந்தாவை நேரில் பார்த்தால்.. மாஜி மனைவி பற்றி ஷாக்கிங் பதில் சொன்ன நாக சைதன்யா.!

தமிழ் மற்றும் தெலுங்கு சினிமாவில் முன்னணி நடிகையாக வலம் வருபவர் நடிகை சமந்தா. அண்மையில் வெளியான விக்னேஷ் சிவன் இயக்கத்தில் விஜய் சேதுபதி நடித்த 'காத்து வாக்குல ரெண்டு காதல்' படத்தில் நயன்தாராவுடன் இணைந்து நடித்திருந்தார் சமந்தா. இவரும் நாக சைதன்யாவும் அண்மையில் பிரிந்தது திரைத்துறை வட்டாரத்தில் பெரும் பரபரப்பை கிளப்பியது.

தமிழ் சினிமாவின் முன்னணி நடிகையான சமந்தா பிரபல தெலுங்கு நடிகர் நாகர்ஜூனாவின் மகனும் நடிகருமான நாக சைதன்யாவை காதலித்து மணந்தார். நட்சத்திர ஜோடிகளாக வலம் வந்த இருவரும் கடந்த சில மாதங்களுக்கு முன்பாக மனம் ஒத்து பிரிவதாக தங்களுடைய விவாகரத்து முடிவை அறிவித்தனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

திருமணத்திற்கு பின்னரும் சமந்தா தொடர்ச்சியாக படங்களில் நடித்து வந்தார். இந்நிலையில் இருவரும் பிரிந்து வாழ முடிவு செய்துள்ளதாக விவாகரத்தை அறிவித்தனர். அதன்பின்னர் சமந்தா மீண்டும் படங்களில் நடிக்க தன்னுடைய முழு கவனத்தையும் செலுத்தி வருகிறார். நாக சைதன்யாவும் தொடர்ச்சியாக படங்களில் நடித்து வருகிறார்.

இந்நிலையில் கடந்த சில நாட்களாக இன்று வெளியாகவுள்ள 'லால் சிங் சத்தா' படத்தின் புரோமோஷன் பணிகளில் பிசியாக ஈடுபட்டு வந்தார் நாக சைதன்யா. அமீர்கான் நடிப்பில் உருவாகியுள்ள இந்தப்படத்தில் முக்கிய கதாபாத்திரத்தில் நடித்துள்ளார் நாக சைதன்யா. இந்தப்படம் தொடர்பான பேட்டி ஒன்றில், சமந்தாவை நேரில் பார்த்தால் என்ன செய்வீர்கள் என்ற கேள்வி கேட்கப்பட்டது.

Suriya: ப்ளீஸ்.. என் குழந்தைகளை விட்ருங்க: வேண்டுகோள் வைத்த நடிகர் சூர்யா.!

இதற்கு பதிலளித்த நாக சைதன்யா, "ஒரு ஹாய் சொல்லி கட்டிப்பிடிப்பேன்" என ஜாலியாக கூறியுள்ளார். மேலும் கையில் உள்ள டாட்டூ பற்றி கேள்வியெழுப்பியதற்கு, "சில ரசிகர்கள் நான் கையில் போட்ட டாட்டூவை போன்றே வரைந்திருக்கிறார்கள். இந்த டாட்டூ என் திருமண நாளை குறிக்கும் வகையில் உள்ளது. அதனால் ரசிகர்கள் யாரும் இந்த டாட்டூவை வரைய வேண்டாம்" என்றும் அந்த டாட்டூவை அழிக்கும் எண்ணம் இல்லை என்றும் தெரிவித்துள்ளார் நாக சைதன்யா.