சமந்தா கணவருக்கு நல்ல காலம் பொறந்துடுச்சு

சேகர் கம்முலா இயக்கத்தில் நாக சைதன்யா, சாய் பல்லவி நடித்த லவ் ஸ்டோரி தெலுங்கு படம் 2020ம் ஆண்டு ஏப்ரல் மாதம் 2ம் தேதி ரிலீஸாகவிருந்தது. ஆனால் ரிலீஸ் தேதியை 2021ம் ஆண்டு ஜனவரிக்கு தள்ளிப் போட்டார்கள். பின்னர் கொரோனாவின் இரண்டாம் அலை தீவிரமானதால் மீண்டும் தள்ளிப் போனது. இதையடுத்து ஒரு வழியாக நேற்று முன்தினம் லவ் ஸ்டோரி தியேட்டர்களில் ரிலீஸானது.

லவ் ஸ்டோரி படம் ஓடும் தியேட்டர்களில் ரசிகர்கள் கூட்டமாக இருக்கிறது. இந்நிலையில் படம் ரிலீஸான முதல் நாள் மட்டும் உலக அளவில் ரூ. 10 கோடி வசூல் செய்தது தெரிய வந்திருக்கிறது. தற்போதிருக்கும் சூழலில் ஒரே நாளில் ரூ. 10 கோடி வசூல் செய்திருப்பது பெரிய விஷயம். 2வது அலைக்கு பிறகு வெளியான படங்களில் அதிக வசூல் செய்த படமாக மாறியிருக்கிறது லவ் ஸ்டோரி.

அமெரிக்காவிலும் லவ் ஸ்டோரி படத்திற்கு அமோக வரவேற்பு கிடைத்திருக்கிறது. படம் பார்த்தவர்கள் அது குறித்து சமூக வலைதளங்களில் நல்லவிதமாக விமர்சித்து வருகிறார்கள். அதனால் தியேட்டர்களில் கூட்டம் மேலும் அதிகரிக்கும் என்று எதிர்பார்க்கப்படுகிறது. லவ் ஸ்டோரியின் வசூல் வேட்டையை பார்த்து பிற தயாரிப்பாளர்களும் மகிழ்ச்சி அடைந்திருக்கிறார்கள்.

சமந்தாவும், நாக சைதன்யாவும் விவாகரத்து செய்யப் போகிறார்கள் என்று தொடர்ந்து செய்திகள் வெளியாகி வருகிறது. இந்நிலையில் ரிலீஸான லவ் ஸ்டோரி படத்திற்கு அமோக வரவேற்பு கிடைத்திருப்பது நாக சைதன்யாவின் ரசிகர்களை மகிழ்சி அடையை வைத்திருக்கிறது. நாக சைதன்யாவுக்கு நல்ல காலம் பிறந்துவிட்டது என்கிறார்கள் ரசிகர்கள். ஹிட் கொடுத்தே ஆக வேண்டும் என்கிற நிலையில் வெளியான லவ் ஸ்டோரி வசூலில் சாதனை படைத்திருக்கிறது.