நமீதாவின் திருமண பத்திரிக்கை சமூக வலைதளத்தில் வைரலாகிறது!

நமீதா, வீரா திருமண பத்திரிகை சமூக வலைதளத்தில் வைரலாக பரவி வருகிறது.

தமிழ் சினிமாவில் விஜயகாந்த் நடித்த ‘எங்கள் அண்ணா’ படம் மூலம் அறிமுகமானவர் நடிகை நமீதா. அதன் பிறகு முன்னணி நடிகர்களுடன் பல படங்களில் நடித்துள்ளார். மேலும் இவர் கொஞ்சி கொஞ்சி தமிழ் பேசி ஒட்டுமொத்த ரசிகர்களின் மனதிலும் இடம்பிடித்தார்.

இவர் ரசிகர்களை மச்சான்ஸ் என்று கூறும் வார்த்தை மிகவும் பிரபலமானது. அண்மையில் இவர் தனக்கும் வீரா என்பவருக்கும் வரும் நவம்பர் 24ம் தேதி திருமணம் நடக்க இருப்பதாக ஒரு வீடியோ மூலம் அறிவித்திருந்தார். இந்த நிலையில் இவர்களது திருமண பத்திரிக்கை தற்போது சமூக வலைதளங்களில் வைரலாக பரவி வருகிறது.

இவர்களின் திருமண வரவேற்பு 22ம் தேதி திருப்பதியில் உள்ள தனியார் ஓட்டலில் நடைபெறவுள்ளது. அதையடுத்து நவம்பர் 24ம் தேதி வெள்ளிக்கிழமை இஸ்கான் கோவிலில் காலை இவர்களின் திருமணம் நடைபெறவுள்ளது.