Nandamuri Balakrishna: நர்ஸ்கள் குறித்து ஆபாச பேச்சு.. கண்டனங்கள் வலுத்ததால் அந்தபல்டி அடித்த நடிகர்!

தெலுங்கு சினிமாவில் பிரபல நடிகராக வலம் வருபவர் நந்தமுரி பாலகிருஷ்ணா. நடிகைராக மட்டுமின்றி இயக்குநராகவும் தயாரிப்பாளராகவும் உள்ளார் பாலகிருஷ்ணா. ஆக்ஷன் காட்சிகளில் பட்டையை கிளப்பும் பாலகிருஷ்ணாவுக்கு என பெரும் ரசிகர்க பட்டாளமே உள்ளது. சமீபத்தில் பாலகிருஷ்ணா நடிப்பில் வீர சிம்ஹா ரெட்டி திரைப்படம் வெளியானது.

​ Ajith, AK 62: தடம் இயக்குநருக்கு அஜித் போட்ட கண்டிஷன்... அப்டேட் லேட்டாக இதான் காரணமாம்!​

இந்தப் படம் பாக்ஸ் ஆபிஸில் 100 கோடி ரூபாய்க்கு மேல் வசூலை குவித்தது. இதனை தொடர்ந்து உற்சாகத்தில் இருந்தார் பாலகிருஷ்ணா. பால கிருஷ்ணா எந்த அளவுக்கு பிரபலமாக உள்ளாரோ அந்த அளவுக்கு சர்ச்சைகளுக்கும் பெயர் போனவர். வீர சிம்ஹா ரெட்டி படத்தின் வெற்றி விழாவில் நடிகை ஹனி ரோஸுடன் ஒன்றாக சேர்ந்து சரக்கடிக்கும் போட்டோ வெளியானது. இதனை பார்த்த நெட்டிசன்கள் அவரை கடுமையாக விமர்சித்து வந்தனர். அந்த சர்ச்சை அடங்குவதற்குள்ளேளே அக்கினேனி, மற்றும் ரங்கா ராவ் குடும்பங்களை தரக்குறைவாக பேசினார் பாலகிருஷ்ணா.

​ புருஷன்தான் முக்கியம்னு முடிவெடுத்த நயன்தாரா!​

இதனால் கடுப்பான நாக சைதன்யாவும் அகிலும் பாலகிருஷ்ணாவுக்கு கண்டனம் தெரிவித்து அறிக்கை வெளியிட்டனர். அதன்பிறகு அக்கினேனியை தான் தரக்குறைவாக பேச வில்லை என சரண்டர் ஆனார் பாலகிருஷ்ணா. இந்நிலையில் தற்போது மேலும் ஒரு சர்ச்சையில் சிக்கியுள்ளார் பாலகிருஷ்ணா. அதாவது பாலகிருஷ்ணா ஆஹா ஓடிடி தளத்தில் அன்ஸ்டாப்பப்பிள் என்ற நிகழ்ச்சியை தொகுத்து வழங்கி வருகிறார்.

​ Dushara Vijayan: சார்பட்டா மாரியம்மாவா இது... துஷாரா விஜயனின் அசர வைக்கும் புகைப்படங்கள்!​

இதில் பங்கேற்ற பவன் கல்யாண் தனக்கு நேர்ந்த விபத்து குறித்தும் மருத்துவமனையில் அனுமதிக்கப்பட்ட போது நர்ஸ்கள் கவனித்துக் கொண்டது குறித்தும் பேசினார். அப்போது அவர் அழகான நர்ஸ் என்று கூறியதும் குறுக்கிட்ட பாலகிருஷ்ணா கவர்ச்சியான நர்ஸ் என ஆபாசமாக கூறினார். இதையடுத்து பாலகிருஷ்ணாவின் இந்த பேச்சுக்கு சமூக வலைதளங்களில் கடும் கண்டனங்கள் எழுந்தன. இந்நிலையில் தான் செவிலியர்கள் குறித்து ஆபாசமாக பேசவில்லை என விளக்கம் கொடுத்துள்ளார் நந்தமுரி பாலகிருஷ்ணா.

இதுகுறித்த அவரது அறிக்கையில் தான் செவிலியர்கள் குறித்து அவதூறாக பேசியதாக பரவும் குற்றச்சாட்டுக்களை கண்டிப்பதாகவும் செவிலியர்களையும் அவர்களின் வேலையையும் உயர்வாக மதிப்பதாகவும் தெரிவித்துள்ளார். மேலும் குறிப்பிட்ட புற்று நோய் மருத்துவமனையின் செவிலியர்கள் இரவும் பகலுமாக உயிரை காப்பாற்ற பாடுபடுவதை பார்த்திருக்கிறேன் என்றும் அவர்கள் மீது தனக்கு மரியாதை எப்போதும் உண்டும் என்றும் கூறியுள்ளார். மேலும் தனது வார்த்தைகள் அவர்களை புண்படுத்தியிருந்தால் அதற்காக வருந்துவதாகவும் தெரிவித்துள்ளார் நந்தமுரி பாலகிருஷ்ணா.

​ Jacqueline Fernandez: மோசடி மன்னனால் கர்ப்பமாகி கருக்கலைப்பு செய்த பிரபல நடிகை? பகீர் தகவல்!​