விஜய்சேதுபதியின் ‘96’ தெலுங்கு ரீமேக்கில் நானி, சமந்தா!

தமிழ் திரையுலகின் முன்னனி நடிகராக திகழும் விஜய் சேதுபதி, வரிசையாக பல படங்களை கையில் வைத்து கொண்டிருக்கின்றார். அவர் நடித்த செக்கச் சிவந்த வானம் அண்மையில் வெளியான நிலையில், அக்டோபர் 4ம் தேதி அவர் நடித்த ‘96’ திரைப்படம் வெளியாக உள்ளது.

இந்த படத்தில் விஜய் சேதுபதி, த்ரிஷா ஆகியோர் நடித்துள்ளனர். இதில் விஜய் சேதுபதி 16,36,96 வயது கதாபாத்திரத்தில் நடித்து உள்ளார்.


இப்படத்தை ‘நடுவுல கொஞ்சம் பக்கத்த காணோம்’ பட ஒளிப்பதிவாளரான சி.பிரேம் குமார் இயக்கியுளார். இதில் காளி வெங்கட், ஜனகராஜ், வினோதினி உள்ளிட்ட பலர் நடித்துள்ளனர்.
அண்மையில் இப்படத்தின் ஸ்பெஷல் ஷோவைப் தெலுங்கு திரைப்பட நடிகர் நானி பார்த்து ஆச்சர்யப்பட்டார். என்னை மிகவும் நெகிழ வைத்த படங்களில் இதுவும் ஒன்று. இதை தெலுங்கு ரீமேக்கில் நடிக்க இருப்பதாகவும், ஜோடியாக சமந்தா நடிக்க இருப்பதாகவும் தகவல்கள் வெளியாகியுள்ளன. 96 தெலுங்கு ரீமேக் படத்தை தில் ராஜூ தயாரிக்கிறார்.


முன்னதாக தமிழில் ‘நீ தானே என் பொன்வசந்தம்’ படத்தின் தெலுங்கு பதிப்பில் நானி, சமந்தா ஜோடியாக நடித்திருந்தனர்.