முதல்வர் ஜெயலலிதாவுக்கு தென்னிந்திய நடிகர் சங்கம் நன்றி..!

தமிழக அரசு சார்பில் தமிழக திரைக்கலைஞர்களுக்கு விருது வழங்கும் விழா நடத்தப்படும் என முதல்வர் ஜெயலலிதா அறிவித்திருப்பதற்கு தென்னிந்திய நடிகர் சங்கத்தினர் நன்றி தெரிவித்துள்ளனர்.

தமிழக சட்டப்பேரவையில் திமுக உறுப்பினர் வாகை சந்திரசேகர் எழுப்பிய வினாவுக்கு பதிலளித்த தமிழக முதல்வர் ஜெயலலிதா,தமிழ் சினிமா கலைஞர்களுக்கு பிரம்மாண்டமான அளவில் விருதளிக்கும் விழாவை தமிழக அரசு நடத்தும் என அறிவித்தார்.

இதனால் மகிழ்ச்சியடைந்துள்ள தமிழ் திரையுலகினர்,தமிழக முதல்வர் ஜெயலலிதாவுக்கு தங்கள் நன்றியை தெரிவித்துள்ளனர்.
இது தொடர்பாக தென்னிந்திய நடிகர் சங்கத்தினர் வெளியிட்டுள்ள அறிக்கையில் கூறப்பட்டுள்ளதாவது:

கலைத்துறையை சார்ந்த கலைஞர்களை ஊக்குவிக்கும் விதத்தில் பிரம்மாண்டமான விழா எடுத்து விருதுகள் அளிக்கப்படும் என தமிழக முதல்வர் அறிவித்துள்ளது ஒட்டுமொத்த திரையுலகினருக்கும் மகிழ்ச்சியான செய்தியாக உள்ளது.இந்த விருதுகள் கலைஞர்கள் தங்களை மேம்படுத்திக் கொள்ள இந்த விழா ஒரு உந்துசக்தியாக விளங்கும்.

இந்த புதிய அறிவிப்பை வெளியிட்டதற்காக தமிழக முதல்வருக்கு தென்னிந்திய நடிகர் சங்கத்தினர் மற்றும் உறுப்பினர்கள் சார்பில் நெஞ்சார்ந்த நன்றியை தெரிவித்துக் கொள்கிறோம்.இவ்வாறு கடிதத்தில் தெரிவிக்கப்பட்டுள்ளது.


Tx to our cm dr.amma avl from #Nadigarsangam. pic.twitter.com/p1bfz5xhQK— NadigarSangam PrNews (@NadigarsangamP) August 12, 2016