நட்சத்திர கலை விழாவில் கலந்து கொள்ளாதவர்களுக்கு நோட்டீஸ் அனுப்ப முடிவு!

மலேசிய நட்சத்திர கலைவிழாவில் கலந்து கொள்ளாத நடிகைகள் நயன்தாரா உள்பட பலருக்கும் நோட்டீஸ் அனுப்ப நடிகா் சங்கம் முடிவு செய்துள்ளதாக கூறப்படுகிறது.

நட்சத்திர கலை விழா நடக்கும் மைதானத்துக்குள் மதியம் 3.30க்கு நடிகர்கள் ரஜினியும், கமலும் ஹெலிகாப்டரில் வந்து ராஜ கம்பீரத்துடன் இறங்கினார்கள்.

3.30 மணியில் இருந்து நிகழ்ச்சி முடிவடைந்த 12 மணி வரை சுமார் 9 மணி நேரம் தங்களது பங்களிப்பைத் தந்தனர். விஜய், அஜீத் இருவரும் விழாவுக்கு வரவில்லை. மற்றும் முன்னணி நடிகைகளான நயன்தாரா, அனுஷ்கா, த்ரிஷா, அமலாபால், ஹன்சிகா ஆகியோரும் வரவில்லையாம். ரஜினி, கமலே கலந்துகொண்டார்கள். நீங்கள் ஏன் கலந்து கொள்ளவில்லை என்று கேட்டு நோட்டீஸ் அனுப்ப வேண்டும் என சங்க நிர்வாகிகளை உறுப்பினர்கள் வற்புறுத்த ஆரம்பித்துள்ளனர்.